Կանանց թլպատում. ծլիկը կտրելու ու հեշտոցը կարելու վայրենի սովորույթ, որը դեռ պահպանվում է

Մեր ժամանակներում, երբ հատուկ ուշադրություն է դարձվում սեռական դաստիարակությանը, ցավոք, դեռևս գոյություն ունեն սարսափելի ավանդույթներ, որոնք կանանց ֆիզիկական և բարոյական ցավ են պատճառում: EnterTrain-ը ներկայացնում է այդ վայրենի սովորույթներից մեկը, որ կոչվում է կանանց թլպատում:

 

 

 

Այս երևույթը տարածված է Աֆրիկայում, մասնավորապես Մալիի Հանրապետությունում, որի մի հատվածն այժմ իսլամիստների տիրապետության տակ է: Այդ սարսափելի գործողությունը, որ ոչ մի առնչություն չունի գինեկոլոգիական ոլորտի հետ, կատարում են անչափահաս աղջիկների հետ: Սովորաբար թլպատումը կատարում է հատուկ այդ գծով մասնագիտացած կինը, որի մոտ իրենց աղջիկներին բերում են մայրերը: Նրանք աղջիկներին թողնում են այդ կնոջ մոտ, իսկ իրենք դուրս գալիս փողոց, որպեսզի չլսեն երեխաների սարսափելի ճչոցները:

Կանանց թլպատումը տեղի է ունենում բացարձակապես ոչ հիգիենիկ պայմաններում: Թլպատող կինը խաղում է երեխայի հետ, այնուհետև բացում է նրա ոտքերը և դանակով կտրում հեշտոցի վերին հատվածը՝ վերքին հատուկ փոշի ցանելով: Երբեմն կանանց թլպատումը ենթադրում է սեռական շրթերը կտրելը և հեշտոցը կարելը:

Դրանով սարսափը չի ավարտվում. կտրված հատվածը տալիս են ծնողներին: Եթե գիշերը այն ուտեն մկները, նշանակում է, որ աղջիկը հետագայում շատ երեխաներ կունենա: Համարվում է, որ չթլպատված աղջիկը կարող է ավելի շատ սեքսի կարիք ունենալ, քան տղամարդը: Թլպատումը հնարավորություն է տալիս տղամարդուն վերահսկել կնոջ սեռական հակումները, որի միակ գործառույթը պետք է լինի երեխա ծննդաբերելը:

Ամենասարսափելի այն է, որ ծնողները չեն գիտակցում ողջ վտանգը. այն կարող է վերջանալ արյան վարակումով, ուժեղ արյունահոսությամբ և հետագայում ծննդաբերության հետ կապված խնդիրներով:

22-ամյա երիտասարդ աֆրիկուհի Մարիամը նույնիսկ չի իմացել, որ իր հետ նման գործողություն են կատարել: Երբ նա բարեգործական կենտրոնում սովորելիս կարդացել է այդ երևույթի մասին և դիտել նկարները, նոր միայն սարսափով հայտնաբերել է, որ իր հետ էլ նույնն է կատարվել: Մինչ այդ Մարիամը կարծել է, որ չամուսնացած աղջիկները սեռական օրգանը այդպիսի տեսք է ունենում:

Այժմ Մարիամը շրջում է Մալիի գյուղերում և քարոզում ծնողներին զերծ պահել երեխաներին նման գործողություններից, սակայն ավագ սերնդի մարդիկ համառորեն շարունակում են հետևել այդ վայրենի ավանդույթին: Կանանց թլպատումը տարածված է ոչ միայն Մալիում, այլև Մերձավոր Արևելքի մի շարք երկրներում:

Նյութը հրապարակման պատրաստեց EnterTrain

Տեղեկացրե՛ք Ձեր մտերիմներին

Ամենակարդացված

Երեխայի սեռը կանխագուշակելու և հաշվարկելու աղյուսակ. այն ունի 95% ճշտություն
Անի Երանյանը Մոսկվայում գաղտնի նշանվե՞լ է (ֆոտո)
1000 տարի էլ անցնի, ինքս եմ վրեժ լուծելու, այ սրբապիղծներ. Լուսինե Բադալյանը` իր կյանքը մղձավանջի վերածած դեպքի մասին (վիդեո)
Ամռանն ընդառաջ. ազատվեք փորից՝ ընդամենը մեկ շաբաթում
Մոռացեք հազի ու բրոնխիտի մասին. բնական հրաշք դեղամիջոց
Վարչապետի կնոջ ոճային փոփոխությունները (լուսանկարներ)
Ահա, թե ինչ կլինի օրգանիզմի հետ, եթե ամեն օր կտավատի սերմեր օգտագործեք
Կոնչիտա Վուրստն այլևս գոյություն չունի․ միայն տեսեք, թե ինչպիսի տեսք ունի նա հիմա
Վիրտուալ պոռնո Քիմ Քարդաշյանի հետ. համացանցի նոր հիթը (տեսանյութ)

Վերջին լուրեր

Կային շատ ծանր ճնշումներ. Լուսինե Բադալյանը` իր վերջին աղմկահարույց գրառման և վրեժ լուծելու մասին
10 գաղտնիք, որ կօգնեն Ձեզ Ինստագրամում հայտնի ու սիրված դառնալ
Լրագրող+լրագրող=բլոգեր. Նիկոլ Փաշինյանի դուստրը Youtube վլոգեր է (ֆոտո, վիդեո)
Անի Երանյանը Մոսկվայում գաղտնի նշանվե՞լ է (ֆոտո)
Վարչապետի կնոջ ոճային փոփոխությունները (լուսանկարներ)
8 տիեզերական պատճառ, թե ինչու են մեր կյանք նոր մարդիկ մուտք գործում
4 բան, որ պետք է իմանաք, եթե որոշել եք ընկերանալ Ցուլի հետ
8 կենցաղային իր, որոնք փչանում են պարզապես որովհետև մենք չկարդացինք ուղեցույցը
Հղիություն չկա, իսկ թեստը դրական է. 15 պատճառ, թե ինչու է այդպես լինում