Ձախ Հարութը, երբ տեսավ այդ 17-ամյա աղջկան, արտասվեց, գրկեց նրան ու ասաց՝ «Դու իմ փոքր Ռուզանն ես» (տեսանյութ)

Ապրիլի 7-ին, սիրված երգիչ Հարութ Փամբուկչյանը՝ Ձախ Հարութը, ներկայացրել է «Ես առանց քեզ» երգի տեսահոլովակը, որը նվիրել է իր կնոջ՝ Ռուզաննա Փամբուկչյանի հիշատակին: Տեսահոլովակի ռեժիսորը Խաչիկ Եղոյանն է՝ երգչի հայաստանյան պրոդյուսերը, ով Life.panorama.am-ին պատմել է այս երգի եւ տեսահոլովակի ստեղծման պատմությունը:

«Երգի հեղինակն ու կատարողը կապանցի Գագիկ Գրիգորյանն է, ում կատարումները ժողովուրդը նմանեցնում է Հարութ Փամբուկչյանին: Այս երգն անցյալ տարի Ձախ Հարութը առաջին անգամ երգեց իր մենահամերգին՝ դարձյալ կնոջ լուսանկարներով պատրաստված լեդային շոուի առկայությամբ, որով հասկացանք, որ կարծես երգը հենց իր կնոջ բացակայության համար գրված լիներ: Արդյունքում  աննկարագրելի բուռն արձագանքից հետո հենց Հարութը առաջարկեց, որ այն նաեւ տեսահոլովակով ներկայացնենք»,- պատմեց Խ. Եղոյանը:

Տեսահոլովակը նկարահանվել է փետրվարի վերջին, երբ Ձախ Հարութը Հայաստանում էր: Ռեժիսորի խոսքով՝ երգիչը հիմնականում չի միջամտել նրա մտքերին:

«Այն պահից սկսած, երբ ես ու Հարութ Փամբուկչյանը սկսեցինք միասին աշխատել, նա ինձ ամբողջությամբ վստահում է, ինչն ինձ համար մեծ պատիվ է: Այս անգամ էլ նա ինձ վստահեց ու հավատաց»,- նշեց Խաչիկն ու խոսեց տեսահոլովակում Ռուզաննա Փամբուկչյանի մասնակցությամբ տեսանյութերի ընդգրկման մասին.

«Տեսահոլովակի նման սյուժեի գաղափարն իմն էր, բայց հետո այն մեր մեծ թիմով մշակեցինք: Հայրս՝ Արտավազդ Եղոյանը, որպես Հարութ Փամբուկչյանի մանկության ընկեր, դեռ 1989թ-ին կատարել էր այդ նկարահանումները եւ այդ կադրերը պահել էր իր արխիվում, ես էլ, իմանալով այդ մասին, ինքս առաջարկեցի օգտագործել դրանք այս տեսահոլովակում: Իսկ նկարահանված երիտասարդ աղջկան գտանք քասթինգ դպրոցներից մեկում. Նա այնքան նման է Ռուզաննային, որ Հարութը, երբ տեսավ այդ 17-ամյա աղջկան, արտասվեց, գրկեց նրան ու ասաց՝ «Դու իմ փոքր Ռուզանն ես»: Այդ աղջկա միջոցով փորձեցինք ցույց տալ, որ Ռուզաննան տիեզերքում է՝ ինչ-որ մի կետում»,- պատմեց ռեժիսորը:

Տեսահոլովակը հեռուստադիտողին հանձնվեց ապրիլի 7-ին՝ Մայրության եւ գեղեցկության տոնին: Մեր զրուցակցի խոսքով՝ օրը եւս պատահական չեն ընտրել:

«Թեեւ այս տեսահոլովակը նվիրված է Ձախ Հարութի կնոջ հիշատակին, սակայն ամեն դեպքում երգում կա սեր եւ կենդանության օրոք կնոջը գնահատելու խորհուրդ, ուստի  մենք ցանկացանք, որ այն նաեւ նվիրենք մեր կանանց»,- նշեց նա:

Հետաքրքրվելով, թե Հարութ Փամբուկչյանին, ե՞րբ դարձյալ սպասենք Հայաստանում, պրոդյուսերը պատասխանեց.

«Ձախ Հարութը հիմա շատ ոգեւորված է, չնայած տարիքին՝ անդադար ուզում է աշխատել. Կարծում եմ՝ 68 տարեկանը դեռեւս մայրամուտ չէ: Նա երգում է գուսանական երգերից սկսած, մինչեւ ժամանակակից էստրադային երգեր, եւ ամենակարեւորը՝ նրա երգերը ոչ մեկին վնաս չեն տալիս եւ դառնում են մնայուն արժեքներ: Հիմա մտածում ենք նոր աշխատանքների մասին, գուցե շուտով նա կրկին գա, կամ էլ՝ ես կգնամ: Ի դեպ՝ կան մտքեր երիտասարդ երգիչների հետ զուգերգների տեսքով, բայց դրանց մասին կխոսենք ավելի ուշ»:

Ամենակարդացված

Ինչպես ազատվել կոնքերի՝ ներսի հատվածում հարվելուց
Աշխարհի միակ վեցյակ աղջիկների կյանքը 30 տարի անց
Հոգեբանական 7 խորամանկ հարց, որոնք կսովորեցնեն ձեզ գրքի նման «կարդալ» մարդկանց
Հայ ամենաոճային մայրիկների հնգյակը (լուսանկարներ)
Ինչպես արագ վերացնել լորձն ու խորխը կոկորդից և կրծքավանդակից (ակնթարթային արդյունք)
Ամեն օր մենք թույն ենք ուտում. Ինչպե՞ս տարբերել ԳՄՕ-ով հարստացված լոլիկները բնականներից
Սոսո Պավլիաշվիլին ցույց է տվել, թե ինչպիսի տեսք ունի իր կինն առանց շպարի. երկրպագուները հիացած են
Երկրպագուները շոկի մեջ են նրանից, թե ինչ տեսք ունի աշխարհի ամենագեղեցիկ տղամարդու ընտրյալը
Հագուստի 10 պարագաներ, որոնք տղամարդիկ պաշտում են տեսնել կանանց հագուստի վրա

Վերջին լուրեր

Ինչպես են սեր խոստովանում Կենդանակերպի տարբեր նշանները
10 գաղտնիք ոճաբաններից․ ինչպես հարուստ տեսք ունենալ
13 զարմանալի փաստ՝ ապրիլին ծնված մարդկանց մասին
Պարզ հոգեբանական-երկրաչափական թեստ, որը 90% ճշգրտությամբ բացահայտում է ձեր բնավորության ուժեղ և թույլ կողմերը
Ինչպես իմանալ` ով է գաղտնալսում Ձեր հեռախոսը
Կենդանակերպի 5 ամենամեծամիտ նշանները
Ինչպես ազատվել ատամնափառից և սպիտակեցնել ատամներն առանց թանկարժեք պրոցեդուրաների
Հզոր նկարազարդումներ, որոնք պատմում են իրականությունը մարդկանց և հասարակության մասին
Քսեք սա կնճիռների, սպիների և դեմքի լաքաների վրա, և չեք հասցնի նկատել՝ ինչպես են վերանում