Մեր միջև տարիքային բավական մեծ տարբերություն կար, հիշում եմ, որ նա գերել էր իմ սիրտը. Զառա Սահակյան

«Ժողովուրդը» շարունակում է ներկայացնել «Աստղերի առաջին սերերը» շարքը, որի շրջանակներում պատմում ենք նրանց կյանքի՝ մինչ այժմ անհայտ կամ քչերին հայտնի դրվագներ, վերջիններս մեր միջոցով կատարում են խոստովանություններ, որոնք միչեւ այսօր չէին արել։

 

 

 

Այս անգամ մեր զրուցակիցը դերասանուհի Զառա Սահակյանն է, ով հեռուստադիտողներին հայտնի է իր կերտած հումորային կերպարներով։

Նա պատմեց, որ առաջին անգամ սիրահարվել է բավական վաղ տարիքում, երբ նույնիսկ դպրոց չէր հաճախում. «Սիրահարված էի մայրիկիս ընկերուհու եղբորը, որը ուսանող էր, մեր միջեւ բավական մեծ տարիքային տարբերություն կար։ Հիշում եմ, որ նա դաշնամուր էր նվագում եւ այդպիսով գերել էր իմ սիրտը (ծիծաղում է)»,-անկեղծացավ Զառան։

Մենք հետաքրքրվեցինք՝ այդ տղան գիտեր արդյոք իր զգացմունքների մասին.«Կարծում եմ՝ մայրիկս ասել էր նրան։ Հիշում եմ, որ նա կարծես խաղի մեջ էր մտել ինձ հետ, շատ ջերմ էր վերաբերվում ինձ, բայց, իհարկե, ոչ մի լուրջ բան չկար»,-հիշեց դերասանուհին։ Հարցին, թե արդյոք վերջին տարիներին հանդիպել է իր առաջին սիրուն, Զառան պատասխանեց, որ ոչ.«Մայրիկս երբեմն ծիծաղելով հիշեցնում է ինձ նրա մասին։ Հիմա Հովիկը ապրում է արտերկրում, ունի ընտանիք»։

Ի դեպ, Զառան պատմեց, որ փոքրիկ որդին եւս, ինչպես ինքը, սիրահարվել է բավական վաղ տարիքում։ «Քարե դարդի» դերասանուհիներից մեկը պարզապես հմայել է նրան. «Փաստորեն, որդիս եւս, ինչպես ես, սիրահարվել է իրենից տարիքով մեծ մեկին, մենք, իհարկե, հումորով ենք վերաբերվում այդ ամենին։ Համենայն դեպս, որդուս զգացմունքներն օր օրի ավելի են լրջանում»,- ծիծաղելով ասաց դերասանուհին։ Նա համաձայն է այն պնդմանը, որ առաջին սերը երբեք չի մոռացվում. «Ամեն ինչի առաջինն իսկապես չի մոռացվում, կարծում եմ՝ բոլոր դեպքերում հաճելի է նման քաղցր զգացումներ ապրելը»,-եզրափակեց Զառան։

 

Ամենակարդացված

8 սովորական իրեր, որոնք մենք այնպես չենք օգտագործում, ինչպես նկատի է ունեցել արտադրողը
Կենդանակերպի 6 նշան, ում բարությունից օգտվում են շրջապատի մարդիկ
Ոճաբանը չի լսում աղջկան և ամեն դեպքում կտրում է նրա մազերը. ահա թե ինչ է դրանից ստացվում
Փեսացուն հարսանեկան արարողության ժամանակ ասաց, որ ուրիշին է սիրում, և հարսնացուն նրան շնորհակալ եղավ․ ահա, թե ինչու․․․
Հայտնի է աշխարհում ամենագեղեցիկ կանանցով բնակեցված երկիրը
Սեպտեմբերի 17-ին օդի ջերմաստիճանը կբարձրանա՝ հասնելով…
Կրծկալների 8 գաղտնի հնարքներ, որոնց մասին գիտեն շատ քիչ աղջիկներ
Վաճառքի է հանվել Շառլ Ազնավուրի առանձնատունը եւ ձիթենիների այգին (լուսանկարներ)
«Կլոնը» հեռուստասերիալից Ջեյդի և Լուկասի որդին հիացնում է երկրպագուներին իր գեղեցկությամբ

Վերջին լուրեր

Պարզեք՝ արդյո՞ք ձեր մարմինն օժտված է յուրահատկություններով, թե՞ ոչ
Խառնեք այս 2 բաղադրիչները և այն կմաքրի անգամ ամենակեղտոտ սպասքը․ սա իսկական հրաշք միջոց է
ԹԵՍՏ․ Ընտրեք ձեզ ամենաշատը դուր եկած մանդալան և տեսեք՝ ինչ ասելիք ունի այն ձեզ համար
Յուրահատուկ շոկոլադե դեսերտ առանց ձվի և կաթի. ախորժալի «Խենթ կարկանդակ»
Այս խնդիրն իրար է խառնել բոլորին. կկարողանա՞ք լուծել այն
Ահա ամենօրյա կարկանդակի հրաշալի տարբերակ. մսով կարկանդակ «Արագ»
4 սովորություն, որոնցից պետք է հրաժարվել 40 տարեկանում գեղեցիկ մնալու համար
Ոճի դասեր. փարիզուհու հիմնական զգեստապահարանի 10 պարտադիր բաղադրիչ
Ահա թե ինչ կարող ենք պարզել կենդանակերպի Ցուլ նշանի մասին