Ինչպե՞ս ավելացնել կյանքի տևողությունը

Մարդկանց մեծ մասը ձգտում է ապրել որքան հնարավոր է երկար։

Պարզից էլ պարզ է, որ դրան կարելի է հասնել ավելի հաճախ ֆիզիկական վարժություններ անելով, ճիշտ սնվելով և նմանատիպ այլ առողջարար բաներով, որոնք հաճախ ձանձրալի են ու միապաղաղ։

Բայց գիտությունն ասում է, որ բացի կալորիաներին ու կազմվածքին հետևելուց կան այլ եղանակներ ևս, որոնք կապահովեն Ձեր երկարակեցությունը։

 

Բարեհամբույր լինելը

Time ամսագիրը գրում է, որ բարեհամբույր լինելն օգնում է ոչ միայն մարդկանց հետ լավ հարաբերություններ պահպանելուն, այլև Ձեր իսկ կյանքը երկարացնելուն։

-20-ամյա մի հետազոտությանը մասնակցում էին 70-103 տարեկան մարդիկ, և պարզվց, որ նրանք, ովքեր թոռնիկներ ունեին, որոնց մասին հոգ էին տանում, ապրել են ավելի երկար, քան ընտանիք չունեցողները, ովքեր ոչ մեկին չեն խնամում ու ոչ մեկի մասին հոգ չի տանում։ Փորձին մասնակցած այսպիսի մարդկանց կեսը մահացան հետազոտության մեկնարկից հետո 5 տարվա ընթացքում, իսկ ընտանիք ունեցողները 10 տարի հետո էլ ողջ էին։ Սակայն պետք է նշել, որ այն մարդիկ, ովքեր չափից դուրս էին մտահոգվում այլ մարդկանցով, հայտնվում էին սթրեսային իրավիճակում, որը բացասաբար էր ազդում նրանց առողջության վրա։

Լեզու սովորելը

Տորոնտոյի Յորք համալսարանի, Էդինբուրգի համալսարանի, Հնդկաստանի բժշկական գիտությունների ինստիտուտի հետազոտությունների համաձայն՝ երկրորդ լեզու սովորելը 4-5 տարով կանխում է թուլամտության ախտանիշները։ Մի ուրիշ հետազոտության համաձայն էլ նոր լեզու սովորելն օգնում է ուղեղին զարգացնել նոր կապեր, ուժեղացնել արդեն եղածներն ու հետևաբար լավացնել ուղեղի աշխատանքը։

Սթրեսներ ունենալը

The Independent-ի զեկույցի համաձայն՝ հանգիստ, ոչ սթրեսային աշխատանքը բարձրացնում է մահվան ռիսկը 43 %-ով, այնպես որ մի փոքր սթրեսը կարող է օգտակար լինել Ձեզ։

Խոսքն ամենևին էլ խորը ու երկարատև սթրեսների մասին չէ։ Բայց կարճատև փոքր վախերը, որ մենք զգում ենք, օրինակ՝ հանդիսատեսի առջև դուրս գալուց առաջ, կարող է դրական ազդեցություն ունենալ մարմնի վրա, որը բնականաբար օգտակար է առողջությանը։ Գաղտնիքն այդ վախերին մեր մարմնի ֆիզիկական պատասխանի մեջ է։

Շատ գումար վաստակելը

Ոչ մեկի համար էլ գաղտնիք չէ, որ շատ գումար ունենալն օգնում է ավելի շատ հետևել մեր առողջությանը, զբաղվել առողջ ապրելակերպով, աշխատանքային ավելի լավ պայմաններ ունենալ, ավելի քիչ անհանգստանալ ու ավելի լավ կրթություն ստանալ։ Մենք կարող ենք նաև ավելի լավ թաղամասերում ապրել, որտեղ շրջակա միջավայրն ավելի մաքուր է, շատ առողջարաններ կան և այսպես շարունակ։

Գարեջուր խմելը

Time ամսագիրն իր կողմից իրականացվող հետազոտության ընթացքում շուրջ 20 տարի հետևել է 55-65 տարեկան մոտ 2000 մարդկանց։ Մասնակիցների 59%-ը, ովքեր օրական 1-3 բաժակ գարեջուր են խմում, երկու տասնամյակի ընթացքում դեռ ողջ էին՝ ի տարբերություն 40% hարբեցողների ու 31% չխմողների։

Ալկոհոլն ինքը օգտակար չէ։ Գաղտնիքը նրանում է, որ ենթադրաբար այս մարդիկ տարբեր խնջույքների են մասնակցում ու ակտիվ կյանք վարում։ Իհարկե, խոսքը չափավոր օգտագործման մեջ է։

Ծիծաղելը

Ծիծաղը թուլացնում է մարմինը, նվազեցնում սթրեսի հորմոնները, ավելացնում երջանկության հորմոննորի՝ էնդորֆինների քանակը և նույնիս այրում է կալորիաները։ Մի հետազոտություն նույնիսկ ցույց է տվել, որ ծիծաղող մարդկանց մոտ սրտի կաթվածի հավանականությունն ավելի ցածր է, քան նրանց միշտ լուրջ ընկերների մոտ։

Գեղեցիկ լինելը

Ցավոք, Կանադայի համալսարաններից մեկը պարզել է, որ միջին գեղեցկություն ունեցող մարդիկ այնքան երկարակյաց չեն, որքան շատ լավ տեսք ունեցողները։

Գնումների գնալը

Չնայած կան մարդիկ, որոնց համար գնումների գնալը ձանձրալի ու հոգնեցուցիչ է՝ հետազոտողները պարզել են, որ այն նպաստում է երկարակեցությանը, հատկապես՝ տղամարդկանց։

Կծու ուտելը

Վերջին երկու հետազոոտությունների արդյունքում պարզվել է, որ սննդակարգում կծու ավելացնելը մի քանի տարով ավելացնում է կյանքի տևողությունը։

Ամենակարդացված

8 սովորական իրեր, որոնք մենք այնպես չենք օգտագործում, ինչպես նկատի է ունեցել արտադրողը
Կրծկալների 8 գաղտնի հնարքներ, որոնց մասին գիտեն շատ քիչ աղջիկներ
Փեսացուն հարսանեկան արարողության ժամանակ ասաց, որ ուրիշին է սիրում, և հարսնացուն նրան շնորհակալ եղավ․ ահա, թե ինչու․․․
Ոճաբանը չի լսում աղջկան և ամեն դեպքում կտրում է նրա մազերը. ահա թե ինչ է դրանից ստացվում
Կենդանակերպի 6 նշան, ում բարությունից օգտվում են շրջապատի մարդիկ
Եթե դուք ձեր օրն առանց արևածաղկի սերմերի չեք պատկերացնում, ապա անպայման պետք է սա իմանաք
Վաճառքի է հանվել Շառլ Ազնավուրի առանձնատունը եւ ձիթենիների այգին (լուսանկարներ)
Սեպտեմբերի 17-ին օդի ջերմաստիճանը կբարձրանա՝ հասնելով…
Թեստ. Եկե՛ք ստուգենք Ձեր կրթական մակարդակը

Վերջին լուրեր

«Ծտի կաթ». նրբագույն տորթ, որը հալչում է բերանում
Երևակայության ողջ կախարդանքը 19-ամյա թվային լուսանկարչի նկարներում
Իրականություն դարձած երևակայություն. ինչի է ընդունակ ֆոտոշոփի կախարդանքը
Ինչ նշաններով է կարելի ճանաչել դավաճանությունը. մարդիկ կիսվել են անձնական փորձով
Շորտեր զուգագուլպայի վրայից և էլի մի քանի բաներ, որոնք նյարդայնացնում են տղամարդկանց
Կնոջ արտաքինի թերություններ, որոնք տղամարդիկ չեն էլ նկատում
Ֆրիտատա կամ ձվածեղ իտալական ձևով
Շոկոլադե տորթ, որը պատրաստվում է առանց ջեռոցի. արագ, պարզ ու հասանելի
Չոր մա՞շկ ունեք, մազերը թափվո՞ւմ են, ուրեմն այս նյութը հենց Ձեզ համար է