Մեզ համար սովորական մթերքներից կարելի է հրաշալի «Կոմսական» աղցան պատրաստել:

Նրանք ովքեր սիրում են խաշած բազուկ, կգնահատեն EnterTrain-ի առաջարկած այս բաղադրատոմսն ըստ արժանվույն:

Այն ամենը ինչ ձեզ անհրաժեշտ է աղցանին նրբություն ու յուրահատկություն տալու համար՝ մի քիչ սև սալորաչիրն ու ընկույզն են:

Անհրաժեշտ բաղադրիչներ

• Բազուկ – 1 հատ
• Կարտոֆիլ – 3 հատ
• Տավարի միս (կամ հավի փափկամիս)- 300 գրամ
• Սև սալորաչիր – 50 գր.
• Ձու – 4 հատ
• Ընկույզ – 50 գր.
• Մայոնեզ – 150 գր.
• Աղ – ըստ ճաշակի

Պատրաստման եղանակ

1. Բազուկը, կարտոֆիլը, միսն ու ձուն խաշեք, սառեցրեք, մաքրեք և խորանարդիկներով կտրատեք: Ձուն բաժանեք դեղնուցի և սպիտակուցի:

2. Սև սալորաչրի վրա տաք ջուր լցրեք և թողեք փափկի, այնուհետև մանր կտրատեք:

3. Աղցանը շերտերով դասավորեք, ամեն շերտին մայոնեզ քսելով և աղ անելով՝ հետևյալ հերրթականությամբ. Խորանարդիկներով կտրատված բազուկ, կարտոֆիլ, մանրացված դեղնուցը, սև սալորաչիրը, միսը և սպիտակուցները:

4. Աղցանը զարդարեք ընկույզով և մի քանի ժամով դրեք սառնարանը:

Բարի ախորժակ:

Նյութը հրապարակման պատրաստեց EnterTrain-ը

Տեղեկացրե՛ք Ձեր մտերիմներին