Ինչպե՞ս դառնալ բանակցությունների վարպետ

Մեզանից շատ քչերը կարող են համարվել ի ծնե բանակցողներ:

Այդ պատճառով էլ, երբ գալիս է ժամանակը՝ ինչ-որ բան խնդրել, լինի դա աշխատավարձի բարձրացո՞ւմ, առաջխաղացո՞ւմ, իր ծառայությունների համար ավելի մեծ գի՞ն, թե՞ էլի ինչ-որ մի բան, մենք մեզ կորցնում ենք:

Մենք սկսում ենք անհանգստանալ այն մասին, որ մեր բանակցությունները հաջողությամբ չեն պսակվի:

Սակայն, անկախ այն բանից, թե ինչի եք դուք ուզում հասնել, դուք կարող եք անել ամեն ինչ, ինչ ձեր ուժերի մեջ է, որպեսզի առավելագույնս մեծացնեք բանակցությունները հաջողությամբ ավարտելու քո հնարավորությունները:

Եվ այսպես`

1. Ոչինչ սրտին մոտ մի ընդունեք ու մի պայմանավորեք ձեր անձով:

Հիշեք, որ բանակցություններն իրենցից գործարք են ներկայացնում: Անկախ այն բանից՝ դուք ընկերության տե՞րն եք, աշխատակի՞ցը, թե՞ էլի ինչ-որ մեկը, ով ընդհանրապես հեռու է գործարար աշխարհից, կարևոր է, որ դուք բանակցությունների ողջ ընթացքում հասկանաք, որ մասնակցում եք գործարքի:

Հաճախ բանակցությունները փակուղի են մտնում, քանի որ բանակցությունների կողմերից մեկը կամ երկուսն էլ ինչ-որ բան իրենց սրտին մոտ են ընդունում: Եվ այսպես, նեղություն քաշեք ու փորձեք ոչ միայն պահպանել պրոֆեսիոնալիզմը, այլև հասկանալ մյուս կողմի տեսակետը: Դա ձեզ թույլ կտա թյուրիմացության առաջացման հնարավորությունները հասցնել նվազագույնի:

2. Համառ եղեք:

Բանակցությունների ժամանակ կարևոր է չվախենալ առաջարկություններ անել կամ, ընդհակառակը, մերժել դրանք: Համառ եղեք, պնդեք ձեր դիրքորոշումը ու մի ամաչեք քննարկում անել:

Կարևոր է նաև բոլոր առաջադրված պայմանների նկատմամբ ծայրահեղ վերաբերմունք դրսևորել: Եթե, ենթադրենք, ուզում եք մեքենա գնել, մի ընդունեք այն գինը, որը ձեզ պարտադրում են:

Օգտվեք արհեստավարժ գնահատողի ծառայություններից, համեմատեք առաջարկված գները մրցակիցների առաջարկած գների հետ ու պնդեք նախնական արժեքն իջեցնելու ուղղությամբ: Եվ մի ընդունեք մերժումը: Ցանկացած բանակցությունների ընթացքում դուք պետք է գործեք ուժի դիրքերից, և այդ պատճառով էլ ձեզ ավելի համառ լինելու հնարավորություն ընձեռեք:

3. Ձգտեք ավելի մեծ բաների:

Հավանաբար դուք նախկինում ևս լսել եք հետևյալ արտահայտությունը` ձեր առջև մեծ նպատակներ դրեք, ու հաստատ չեք սխալվի:
Դա իսկապես այդպես է:

Լավատեսներն իրականում լավ բանակցողներ են դառնում, քանի որ նրանք չեն վախենում իրենց առջև առավելագույն խնդիրներ դնել ու, գլխավորը, չեն կասկածում, որ կարող են հասնել դրանց: Այդ պատճառով էլ նրանք չեն վախենում առաջարկություններ անել, որոնք համապատասխանում են նրանց այդ հավատին:

Եթե դուք գործատու եք կամ գնորդ, ավելի քիչ գին առաջարկեք, քան սպասում եք: Եթե դուք աշխատակից եք կամ վաճառող, մի վախեցեք ավելի շատ խնդրել, քան սպասում եք ստանալ: Դուք կհայտնաբերեք, որ շատ հաճախ դա աշխատում է ձեր օգտին:

4. Լսեք:

Մարդկանց մեծ մասը մեծագույն շատախոսներ են, բայց սարսափելի լսողներ: Եթե դուք նրանց թվին եք պատկանում, ձեզ համար օգտակար կլինի իմանալ, թե ինչպես լավ լսող դառնալ, ինչը թույլ կտա ձեզ առավել հաջողությամբ վարել հետագա բանակցությունները:

Ինչու է դա ձեզ պետք: Քանի որ դուք չեք կարողանում ուշադիր լսել, դուք ոչ միայն չեք կարողանա մինչև վերջ լսել մյուս կողմի տեսակետը, այլև բաց կթողնեք կարևոր դետալներ: Եվ առանց ողջ անհրաժեշտ ինֆորմացիայի՝ շատ դժվար է հաջողությամբ ավարտել բանակցությունները:

Հաջորդ բանակցությունների ընթացքում աշխատեք, որ ձեր խոսելու ժամանակը կազմի մյուս կողմի ներկայացուցիչների խոսելաժամանակի կեսը կամ անգամ մեկ երրորդ մասը:

Լակոնիկ եղեք ձեր բացատրությունների մեջ և կարողացեք ճիշտ հարցեր տալ:
Ջանքեր գործադրեք այլ մարդու տեսակետն իսկապես հասկանալ փորձելու համար: Դրա համար դուք համբերությամբ պետք է զինվեք:

5. Բանակցությունները վարեք ուժի դիրքերից:

Սա հավանաբար ամենակարևոր պահերից մեկն է, քանի որ դա ազդում է ձեր վարքագծի ու ողջ բանակցային գործընթացի հեռանկարի վրա:

Ձեզ անհրաժեշտ է յուրաքանչյուր դետալը մանրամասն քննարկել սեփական ուժերի վրա վստահ մարդու զգացողությամբ: Դա նշանակում է, որ դուք երբեք չպետք է բանակցություններ սկսեք` համարելով, որ դա ձեր միակ որոշումն է:Անկախ այն բանից, թե դուք ինչ եք փորձում ստանալ, դուք պետք է ունենաք մի քանի տարբերակ, որոնք դուք կարող եք անհրաժեշտության դեպքում օգտագործել:

Դա ձեզ թույլ կտա ինքնավստահ լինել, և դուք կկարողանաք ձեր գիծը մինչև վերջ տանել, այլ ոչ թե հուսահատության մեջ փոխել տակտիկան, եթե մյուս կողմը պինդ ընկույզ դուրս գա:

Ձեր հակառակորդը միանգամից կհասկանա, որ դուք գտնվում եք հուսահատ վիճակում ու նախաձեռնությունը միանգամից իր ձեռքը կվերցնի: Այդ պատճառով էլ նախքան բանակցությունները սկսելը համոզվեք, որ ձեր ձեռքում ևս մի քանի ուժեղ խաղաքարտեր կան:

6. Կարողացեք հասկանալ տողատակերը, զգայուն եղեք:

Բանակցություններում 2 կողմ է մասնակցում, որոնք արդյունքում պետք է փոխհամաձայնության գան:

Այդ պատճառով էլ դուք պետք է ոչ միայն լավ լսող լինեք, այլև կարողանաք կարդալ տողամեջերն ու տողատակերը: Ձեզ դրեք ուրիշ մարդու փոխարեն: Ինչ է նա ուզում: Ինչ կստանա դրանից: Ինչի մասին է փորձում պայմանավորվել: Ինչ է դա նրա համար նշանակում:

Եթե դուք բանակցությունների ընթացքում բոլոր այդ պահերին ուշադրություն դարձնեք, դուք կօգնեք մարդուն ստանալ այն, ինչ ինքն ուզում է, ինչի հետևանքով ինքը երջանիկ կլինի պատասխանել փոխադարձությամբ ու ձեզ տալ ձեր ուզածը:

7. Մի շտապեք:

Բանակցությունը խաղ է. Ու նյարդերն ավելի ամուր կլինեն, նա էլ կհաղթի: Դուք չպետք է շտապեք, քանի որ մյուս կողմը դա անմիջապես կնկատի, ինչից հետո կզգա, որ կարող է բանակցությունները վարել արդեն ուժի դիրքերից` ներկայացնելով ավելի ծանրակշիռ պահանջներ ու դնելով ավելի խիստ ժամկետներ` իմանալով, որ դուք ստիպված կլինեք ընդունել դրանք, եթե ուզում եք ավարտել գործարքը:

Նա, ով շատ ժամանակ ունի, միշտ գտնվում է ավելի շահեկան վիճակում:

Նյութը հրապարակման պատրաստեց EnterTrain

Տեղեկացրե՛ք Ձեր մտերիմներին

Ամենակարդացված

Ինչո՞ւ գեղեցիկ կանանց չի կարելի Հայաստան այցելել․ ռուս լրագրողը կիսվում է սեփական փորձով
Ի՞նչը ստիպեց Ալեքսանդր Մակեդոնացուն այդպես էլ չհարձակվել հայկական տարածքների վրա. մեծն նվաճողի՝ հայերի հանդեպ հարգանքի իրական պատճառը
Պատմական 5 ցնցող զուգադիպություններ, որոնց դժվար է հավատալ
Մեջքի ցավի գաղտնիքը ձեր ոտքերում է. 10 վարժություն, որոնք ամեն բան կկարգավորեն
Չափից դուրս բարությունը բերում է այս 10 բացասական հետևանքներին
Ամենագեղեցիկ կանայք՝ ըստ կենդանակերպի նշանների
140 միլիոն դիտում. երգ, որը կարելի է անվերջ լսել
«Սիրուն կնգա ծոցը պառկի, բայց գեշ կնգա ձեռի հացը կեր». հին հայկական ժողովրդական 25 մտքեր
Այսպես ճակատագրեր են քանդվում. ահա, թե ինչու պետք չէ ապրել միայն հանուն երեխաների

Վերջին լուրեր

Ինչպես ակնթարթորեն ազատվել դեմքի սև կետիկներից
Այլևս երբեք Ձեր մեքենայի ապակիները չեն քրտնի. հանճարեղ միջոց
Հետևանքները մենք դեռ երկար կզգանք մեր մաշկի վրա…Սարգիս Գրիգորյան
Գերմանացի փորձագետը նախազգուշացրել է, որ դիմակը չի փրկի կորոնավիրուսից. ի՞նչ անել
Ինչպես ընտրել աչքերի ձևին համապատասխան ճիշտ հարդարում. Գաղտնիքներ, որոնց մասին լռում են բոլոր դիմահարդարները
Գաղտնիքներ, որոնց մասին գիտի տնային տնտեսուհիների միայն 3%-ը
Նրանք 87 տարի միասին են. հրեա զույգը համատեղ կյանքի ռեկորդ է սահմանել
Ի՞նչ կլիներ, եթե ծնողները իրենց երեխայի պես պահեին. 10 զվարճալի նկարազարդում
20 պատճառ, թե ինչու է Քրիս Հեմսվորթը հավակնում «մոլորակի ամենակատարյալ տղամարդ» տիտղոսին