Բազուկով շատ համեղ աղցաններ նրանց համար, ովքեր ցանկանում են առողջ և համեղ սնվել

Այսօր EnterTrain-ը բազուկով աղցանի մի քանի շատ համեղ բաղադրատոմս է առաջարկում, որոնք հրաշալի տարբերակ են նաև նրանց համար, ովքեր ցանկանում են նիհարել։

Բազուկով, ընկույզով և սալորաչրով աղցան

Անհրաժեշտ բաղադրիչներն են

  • 1 խաշած բազուկ
  • 100 գրամ ընկույզ
  • 2 սալորաչիր
  • 2 պճեղ սխտոր
  • 2 ճ․գ․ բուսայուղ
  • Աղ՝ ըստ ճաշակի

Սև սալորաչիրը 30 րոպե թրջեք ջրի մեջ։ Բազուկը քերիչով անցկացրեք, կտրատեք սալորաչիրը, ավելացրեք ճզմած սխտորը, ընկույզը, բուսայուղը, աղը, լավ խառնեք բոլոր բաղադրիչները։

Բազուկով ֆիթնես-աղցան

  • 2 բազուկ
  • 1 խնձոր
  • 1 փոքր գազար
  • 1 միջին չափսի սոխ
  • 250 գրամ թարմ կաղամբ
  • 3 ճ․գ․ բուսայուղ
  • 2 թ․գ․ խնձորի քացախ
  • Աղ՝ ըստ ճաշակի
  • Ցանկացած կանաչի

Բազուկը և գազարը մաքրեք, քերիչով անցկացրեք։ Քերեք նաև խնձորը։ Սոխը և կաղամբը ձողիկներով կտրատեք։ Այս ամենը խառնեք իրար։ Ավելացրեք քացախը, աղը, բուսայուղը և կանաչին։

Բազուկով և բրնձով կշտացնող աղցան

Անհրաժեշտ բաղադրիչներ

  • 1 խաշած բազուկ
  • 1 խաշած գազար
  • 150 գրամ խաշած բրինձ
  • 1 ճ․գ․ պահածոյացված եգիպտացորեն
  • 8 զեյթուն
  • 1 ճ․գ․ ձիթայուղ
  • 1 թ․գ․ սոյայի սոուս
  • ½ թ․գ․ խնձորի քացախ
  • Թարմ կանաչի

Բազուկն ու գազարը քերիչով անցկացրեք։ Բրինձը խառնեք եգիպտացորենի հետ։ Առանձին-առանձին ափսերի մեջ դրեք բանջարեղենը, կանաչին, զեյթունն ու բրինձը։ Վրան լցրեք սոյայի սոուսը, քացախն ու բուսայուղը։ Ուտելուց անմիջապես առաջ բաղադրիչները խառնեք իրար։

Բազուկով և նեխուրի արմատներով աղցան

Բաղադրիչներ

  • 1 բազուկ
  • 1 գազար
  • ½ նեխուրի արմատ
  • ½ գլուխ կաղամբ
  • 1 ճ․գ․ լիմոնի հյութ
  • 2 ճ․գ․ քունջութի սերմ
  • ½ նարինջ
  • Աղ՝ ըստ ճաշակի
  • Թարմ կանաչի

Կաղամբը բարակ կտրատեք և մի թեթև ձեռքերով սեղմեք։ Բազուկը, գազարն ու նեխուրը քերեք։ Նարինչը կտրատեք։ Այս ամենը խառնեք մանր կտրատած կանաչիով, քունջութով, լիմոնի հյութով և բուսայուղով։ Ըստ ճաշակի աղ արեք։

Տոնական աղցան «Տիրուհի»

Անհրաժեշտ բաղադրիչներ

  • 1 խաշած բազուկ
  • 120 գրամ ֆետա պանիր
  • 1 մանդարին
  • 1ճ․գ․ նռան հատիկ
  • ¼ գլուխ կարմիր սոխ
  • 1թ․գ․ ֆրանսիական մանանեխ
  • 2 թ․գ․ բուսայուղ
  • 1 ճ․գ․ ցանկացած տեսակի ընդեղեն
  • Թարմ կանաչի
  • Աղ՝ ըստ ճաշակի

Կաղամբը, բազուկն ու պանիրը խորանարդիկներով կտրատեք։ Սոխը բարակ կիսալուսնաձև կտրեք։ Ափսեի վրա շերտերով շարեք բազուկը, պանիրը, սոխը։ Զարդարեք նռան հատիկներով, մանդարինцм և կտրատած ընկույզով։ Մատուցելուց առաջ աղցանի վրա մանանեխի, աղի և բուսայուղի սոուս խառնուրդ լցրեք։

Նյութը հրապարակման պատրաստեց EnterTrain

Տեղեկացրե՛ք Ձեր մտերիմներին

Ամենակարդացված

Չգործածվող հայերեն բառեր ու ծիծաղելի թարգմանություններ
Մինուս 9 կգ՝ 1 ամսում. Ինչպես բարելավել նյութափոխանակությունը և նիհարել չիայի սերմերի օգնությամբ
Եթե Ձեր լեզուն այսպիսի տեսք ունի, ապա շտապ դիմեք բժշկի
Քաղցկեղի 10 նախանշան, որոնք հարկավոր չէ անտեսել
Դդմիկի պատրաստման 12 հրաշալի բաղադրատոմս
Ինչպես դեմքի ձևին համապատասխան ճիշտ սանրվածք ընտրել
Բազուկով շատ համեղ աղցաններ նրանց համար, ովքեր ցանկանում են առողջ և համեղ սնվել
Ավելի արդյունավետ միջոց նույնիսկ դեղատանը չես գտնի. ոջիլների և անիծների դեմ գերհզոր միջոց
Ուշադրություն՝ խիտ արյուն. թաքնված սպառնալիք, որին ենթակա է յուրաքանչյուրը

Վերջին լուրեր

Սուպեր Սաքո. ամերիկյան շոուշուկայի ռեփեր հայը չի զիջում մրցունակությամբ. տեսահոլովակի պրեմիերա
10 տարածված սխալ, որ անում ենք լոգանք ընդունելիս
Արագ և համեղ բազուկով աղցան․ պատրաստվում է 20 րոպեում
Հարավային Ամերիկայում նոր կենդանատեսակ է հայտնաբերվել
Չինաստանում հայտնաբերվել են հին հայելիներ՝ հանգուցյալներին հանդերձյալ աշխարհ ուղեկցելու համար
Մազերի երկարությունը բացահայտում է կնոջ բնավորության գաղտնիքները․ ինչ սանրվածք եք կրում դուք
Մոռացեք հազի մասին. մանրացրեք բանանը և ավելացրեք այս 2 բաղադրիչը…
«Ինչո՞ւ պետք է մնամ Հայաստանում և հանդուրժեմ ինձ հալածող հայերի պահվածքը». Մագան՝ Տիկ-տոկի թրենդի համար մազերը ներկելու ու փիրսինգ անելու, վատ մեկնաբանությունների և երկիրը լքելու ցանկության մասին
Մենք գալիս ենք Հայաստան. «Լադանիվա» խումբն առաջին անգամ հանդես կգա Երևանում