Խոհանոցային խորամանկություններ, որոնց մասին պետք է իմանա յուրաքանչյուր կին

1. Եթե դուք արգանակի վրայից ժամանակին փրփուրը չեք վերցրել, և այն հատակն է իջել, կաթսայի մեջ մեկ բաժակ ջուր լցրեք։ Փրփուրը վեր կբարձրանա, և դուք կարող եք այն հեռացնել։

2. Հավի արգանակի մեջ ոչ մի տեսակի համեմունք մի ավելացրեք, միայն սոխ և գազար, այլապես այն իր համը կկորցնի։

3. Երբեք ապուրի մեջ դափնու տերևը մի թողեք։ Այն լավ է եփելիս, իսկ հետո միայն փչացնում է համը։

4. Թակածոները փափուկ են ստացվում, եթե տապակելուց 1-2 ժամ առաջ նրանց մշակեք քացախի ու բուսայուղի խառնուրդով։ Նույնը արեք նաև գրիլի վրա պատրաստվող մսի հետ։

5. Համեղ, հյութեղ կոտլետներ պատրաստելու համար մսի մեջ հավասար քանակությամբ մանր կտրտած հում ու թեթև տապակած սոխ ու մի քիչ քերած կարտոֆիլ ավելացրեք։

6. Կոտլետը տապակելու առաջին րոպեին կրակը պետք է ուժեղ լինի, որպեսզի այն կեղևակալի ու թույլ չտա, որ հյութը միջից հոսի դուրս, իսկ հետո պետք է շարունակել տապակել միջին կրակի վրա ու շուռ տալով կոտլետները՝ կրկին կես րոպեով ուժեղացնել կրակը։

7. Ձուկը մասերի չի բաժանվի ու ոսկեգույն կեղև կունենա, եթե տապակելուց 10-15 րոպե առաջ այն չորացնեք սրբիչով ու անմիջապես աղ անեք։

8. Քերած հում կարտոֆիլն անմիջապես խառնեք մի փոքր կաթի հետ, այլապես այն կկապտի։

9. Հին կարտոֆիլն ավելի համեղ կլինի, եթե եփելիս ջրի մեջ մի գդալ քացախ, 2-3 ատամիկ սխտոր ու դափնու տերև ավելացնեք։ Որքան հին է կարտոֆիլը, այնքան շատ ջուր կպահանջվի եփելիս։

10. Խմորիչով խմորն ավելի փափուկ ու թեթև կլինի, եթե նրա մեջ եփած, մանր քերած սառը կարտոֆիլ ավելացնեք։

11. Տապակելիս սերուցքային կարագը չի մգանա, եթե տաք թավայի մեջ նախապես ձեթ քսեք։

12. Խմորն արագ կհասունանա, եթե նրա մեջ խրեք մի քանի հատ խողովակաձև մակարոններ։

13. Թեթև կրեմ ստանալու համար հարիչով խառնելիս ոտիկով կրեմի մեջ ութեր նկարեք ու ժամանակ առ ժամանակ տարայի պատերի կողքերով՝ շրջանակներ։

14. Չոր խմորից պատրաստված բաները փխրուն կլինեն, եթե խմորի մեջ մեկ գդալ կոնյակ ավելացնեք։

15. Եթե ուզում եք, որ եփելիս լոբին չմգանա, այն եփեք բաց կաթսայի մեջ։

16. Որպեսզի ձեթն այս ու այն կողմ չլցվի տապակելիս, նախքան տապակելը թավայի մեջ թեթևակի աղ լցրեք։

17. Աղցանի մեջ բուսայուղ կարելի է լցնել միայն այն ժամանակ, երբ աղցանն արդեն համեմել եք աղով, պղպեղով ու քացախով, քանի որ աղը ձեթի մեջ չի լուծվում։

18. Մայոնեզով աղցանն ու վինեգրետն առանձնահատուկ համեղ կլինեն, եթե մինչ մատուցելը կարճ ժամանակով կիտրոնի կեղև դնեք նրանց մեջ։

19. Եթե ուզում եք, որ վինեգրետը նուրբ ու հաճելի համ ունենա, նրա մեջ մի ճաշի գդալ կաթ լցրեք ու մեկ թեյի գդալ շաքարավազ։

20. Թափանցիկ մսի արգանակ ստանալու համար եփելու ընթացքում նրա մեջ պետք է դնել մաքուր ձվի կճեպ։ Պատրաստի արգանակը պետք է քամել։

21. Սոխի կճեպի եփուկով կարելի է գունավորել արգանակը։ Դա բարձրացնում է նրա սննդայնությունը, հարստացնում է վիտամիններով ու գեղեցիկ արտաքին տեսք հաղորդում։

22. Ծեր հավն ավելի արագ կեփվի, եթե այն 20-30 րոպե եփելուց հետո 5-6 րոպեով ընկղմեք սառը ջրի մեջ, ապա շարունակեք եփելը։

23. Որպեսզի միսը չայրվի ու չոր չլինի, ջեռոցի մեջ ջրով լի տարա դրեք։

24. Ձուկը տապակելիս սուր հոտը հեռացնելու համար բուսայուղի մեջ նախապես մաքրած ու կտրատած մեկ հում կարտոֆիլ դրեք։

Նյութը հրապարակման պատրաստեց EnterTrain

Տեղեկացրե՛ք Ձեր մտերիմներին

Ամենակարդացված

Տնական բատոն 30 րոպեում. սուպերմարկետից այլևս չեմ գնում
Տնային վարժությունների համալիր 40+ կանանց համար
Ինչո՞ւ են թմրում ձեռքերը. 7 վտանգավոր հիվանդություններ, որոնք կարող են թմրում և ծակոցներ առաջացնել
Չի կարելի հենց այնպես վերցնել և դեն նետել ձվի կեղևը․ դրա տակ գանձ է թաքնված
Շատ բարդ տեսողական թեստ, որին անսխալ կարող են պատասխանել միայն իսկական պերֆեկցիոնիստները
10 պատճառ՝ ինչու են Երկվորյակները ամենալավ մարդիկ
Կդառնայի պարզապես ճաշ եփող կին.Անուշիկ Առաքելյանը՝ 22 տարեկանում ամուսնալուծվելու և դստերը միայնակ մեծացնելու մասին
Պատրաստում ենք ձեռքերի ալկոգել տնային պայմաններում. 3 բաղադրատոմս
Սեռի հաշվարկ․ Ինչպես ունենալ աղջիկ կամ տղա երեխա

Վերջին լուրեր

Ֆրանսիայի ոստիկանները ծափահարում են հայ երիտասարդներին
Կարանտինը՝ մեգապոլիսներում
Առաջիկա օրերին հանրապետության տարածքում ջերմաստիճանն աստիճանաբար կբարձրանա ևս 2-3 աստիճանով
Կորոնավիրուսով վարակված հայ աղջիկը մանրամասն նկարագրում է ախտանիշներն ու իր առողջական վիճակը. նրա մոտ վարակի 9-րդ օրն է
«13 օր է, ինչ ես և մեր անձնակազմը մեկուսացել ենք․ ես չեմ տեսնում երեխաներիս, կնոջս. հիմա ինչո՞ւ չեք նստում տանը»․ «Նորք» ինֆեկցիոնի բժշկի կոչը բնակչությանը
Կոչ եմ անում մթերային խանութներին, սուպերմարկետներին մարտի 24֊ից առավոտյան 10։00֊12։00 ժամերն առանձնացնել միայն կենսաթոշակային տարիքի անձանց սպասարկելու համար. Տ․Ավինյան
Այս տարի «պառավի ուլերը» չեն լինելու, պառավը ինքնամեկուսացել է. Գագիկ Սուրենյան
«Կովի մեզից մինչև՝ սխտոր»․ ինչով են աշխարհում փրկվում կորոնավիրուսից
Հանրապետության ողջ տարածքում եղանակը կտաքանա ևս 5-7 աստիճանով