Թանկարժեք քարերի մոգական ուժը

Բոլոր ժամանակներում քարերը համարվել են լավագույն թալիսմաններ ու չար աչքի հուռութներ, որոնք օժտված են նաև մոգական ու բուժիչ հատկություններով: Ո՞րն է ձեր քարը և ինչո՞վ կարող է օգնել.

Հին պարսկական լեգենդն ասում է, թե երբ  սատանան նկատում է` ինչպես է Եվան զմայլվում  դրախտի գույներով, մարդու հոգում գայթակղություն ու ագահություն սերմանելու համար  ստեղծում է թանկարժեք քարերը: Եվ իրոք, կանանց ու տղամարդկանց մեծ մասի համար ոսկերչական խանութ գնալն իսկական փորձություն է. աչքերն աջ ու ձախ են վազում, իսկ գլխում մի տենդագին միտք է` «ուզում եմ բոլորը գնել»: Շատերն այդպես էլ վարվում են` չխորանալով` ի՞նչ քար է, ի՞նչ խորհուրդ և ուժ ունի, և  ինչու, ասենք,  բախտը երես է թեքել, կամ շրջապատի մարդիկ այդքան ագրեսիվ  են տրամադրված իր նկատմամբ: Մինչդեռ քարի ընտրությունն իրապես բավական դժվարին գործ է ու պայմանավորված  չէ գույնով կամ  մեծությամբ:

Քարերի տեսակները

kamni2

Մի փոքր տեսություն. բոլոր քարերը բաժանվում են` թանկարժեքի, կիսաթանկարժեքի ու  պարզապես զարդաքարերի, ինչպես նաև բոլորը` թափանցիկի ու  գունավորի: Մոգական ուժեղ ազդեցություն ունեն, բնականաբար, թանկարժեք քարերը, արժեքի նվազման հետ նվազում է նաև նրա ուժը: Թանկարժեք քարերի հանքեր հազվադեպ են պատահում:

 

Առաջին կարգի թանկարժեք քարերից  են` ալմաստը, սուտակը, շափյուղան, կանաչ բերիլը, ալեքսանդրիտը:

Երկրորդ կարգի են` տպազիոնը, կանաչաերկնագույն ծովակնը (ակվամարինը), մանուշակագույն քվարցը (ամեթիստ), կարմիր նռնաքարը (ալմանդին), կանաչ նռնաքարը (ուվարովիտ), կաթնագույն ցիրկոնը (հակինթ և ազնիվ շպինել):

Երրորդ կարգի են
` փիրուզը, լեռնային բյուրեղապակին, ծխամած քվարցը, բաց գույնի մեղեսիկը, սարդիոնը, լուսնաքարը, սաթը:

Թանկարժեք քարերի դասին են պատկանում  նաև օրգանական ծագում ունեցող մարգարիտը, մարջանն ու սաթը:

Թանկարժեք քարերի հատկությունները. աստղագիտություն և գույն

piedras_

Մեր նախնիները շուտ գլխի ընկան, որ քարերի հատկություններն անմիջականորեն պայմանավորված են նրանց գույնով ու այն բանով, թե որ մոլորակի էներգետիկան են ամփոփում իրենց մեջ: Իսկ   դրա համար հարկավոր է իմանալ, թե որ մոլորակի հովանու ներքո է գտնվում ձեր ամիսը: Այսպես. դեկտեմբերին ծնվածները պետք է կրեն փիրուզ, հունվարին` նռնաքար, հակինթ, փետրվարին` մեղեսիկ (ամեթիստ): Մարտին ծնվածները` քրիզոլիտ, ապրիլին`  մանուշակավարդագույն մեղեսիկ, իսկ մայիսին` բաց գույնի ագաթ: Հունիսին` բերիլ, հուլիսին` զմրուխտ, իսկ օգոստոսի ընտրությունը նախանձելիորեն է լայն` սարդիոն, սարդոնիքս, ալեքսանդրիտ, լուսնաքար, սուտակ կամ տպազիոն, ոսկեգույն բերիլ: Սեպտեմբերին ծնվածների համար նախընտրելի է հասպիսը (յաշմա), հոկտեմբերին ծնվածներին` ալմաստը, նոյեմբերին` տպազիոնը:

Հուռութի դեր կատարող քարերն ըստ աստղագուշակի

volshebnaya-sila-dragotsennyih-kamney-3

Խոյերը պետք է կրեն սարդոնիքս, Ցուլերը` սարդիոն, Երկվորյակները` տպազիոն, Խեցգետինները` քաղկեդոնաքար, Առյուծները` հասպիս, Կույսերը` ազնիվ զմրուխտ, Կշեռքները` բերիլ, Կարիճները կշահեն, եթե որպես հուռութ ընտրեն մեղեսիկը, Աղեղնավորները` հակինթը, իսկ Այծեղջյուրները`  քրիզոպրազը:  Ջրհոսի համար լավագույն է համարվում լեռնային բյուրեղապակյա հուռութը, իսկ Ձկների համար` շափյուղան: Դրանց հատկությունները մեծապես համընկնում են գույներին ու երկնային մարմիններին վերագրվող  խորհրդանիշներին, օրինակ` թափանցիկ քարերը խոսում են միայնության մասին: Դրանք օգնում են զարգացնելու աշխատասիրությունն ու ազատության զգացում են պարգևում: Կարմիր քարերի ազդեցությունը կարելի է համեմատել անդադրում շարժման ու կրքի հետ, դրանք  կրկնապատկում են էներգետիկան ու ամրապնդում օրգանիզմը: Ալ կարմիր քարերը մտքի ու կամքի արտացոլում են (իզուր չէ, որ այդ գույնն իշխանություն  է խորհրդանշում ): Իսկ մանուշակագույնն առաջարկվում է նրանց , ովքեր ցանկանում են իրենց մեջ մոգական հատկություններ զարգացնել: Նարնջագույնն օժտում է մարդուն լավատեսությամբ, քարերը  խորհրդանշում են գեղեցկությունն ու արտիստականությունը, կանաչն օգնում է  «ես»-ի ձևավորմանը, խորհուրդ է տրվում երիտասարդներին, դեռահասներին: Կապույտ քարն իր կրողին կօժտի կանխազգացումով ու տրամաբանությամբ: Մուգ գույնի` սև և շագանակագույն քարերը նշանակում են` հանգիստ, սկիզբ ու վերջ` բոլորը միասին: Դրանք այն մարդկանց համար են, ովքեր գտել են, ճանաչում են իրենք իրենց: Մեծ նշանակություն ունի նաև այն փաստը, որ քարերի մեջ նույնպես կան արական ու իգական  տեսակներ: Կանացի քարերի փայլը, տաք գույները համապատասխանում են կնոջ էությանը: Արական քարերն ավելի խամրած են ու սառը: Քարերը զգայուն են իրենց կրողի  հանդեպ ու եթե ոչ այն ձեռքին են «նստած», ապա կարող են ոչ միայն չօգնել, այլ նույնիսկ` վնասել:

Քարերի մոգական ուժը

volshebnaya-sila-kamney

Քարերն էներգակիր են, ունեն թե դրական և թե բացասական էներգիա:

Ագաթը պաշտպանում է  չար աչքից, թույներից, այն կրողին պարգևում է երկարակեցություն  ու առողջություն,  առնականություն ու հանգստություն: Ծովակնը համարվում է սիրահարների քար, պահպանում է  ընտանեկան երջանկությունը, նպաստում բարեկեցությանը:

Ալմաստն անմեղության խորհրդանշանն է, համարձակություն ու հաստատակամություն ու երջանկություն  է պարգևում  այն կրողին: Այս քարը հարմար է ուժեղ էներգետիկայի տեր մարդկանց, հակառակ դեպքում քարը տկարանում է:

Մեղեսիկը պաշտպանում է հարբեցողությունից, սանձում կրքերը, համարվում է «այրիի քար»:

Բերիլն օգնում է զգացմունքների կայունությանը,  ճանապարհորդների բարի ուղեկիցն է: Փիրուզը երջանկության քարն է, օգնում է սիրահարներին, անփոփոխ ու հավատարիմ սեր է խորհրդանշում:

Հակինթը հաջողության և ուժերի ամրապնդման  խորհրդանշանն է: Նռնաքարն ուրախացնում է սիրտը: Մարգարիտը պաշտպանում է անպատասխան սիրո տառապանքներից, ուստի պետք է կրեն չամուսնացած աղջիկները, զմրուխտը երջանկություն է պարգևում: Նռնաքարը հաշտեցնում է ընկերների հետ: Մարջանը պաշտպանում է կայծակից ու չար աչքից, լազուրիտը գերազանց է բուժման համար: Մալաքիտը (դահանակ) կրկնապատկում է հոգեկան ուժերը, նեֆրիտը պաշտպանում է օրգանիզմի տոնուսը: Օնիքսն առաջնորդների քարն է, որ առաջարկվում է թույլ էներգետիկայով մարդկանց: Շափյուղան երջանկություն է բերում սիրո մեջ, կնոջն օգնում է  բամբասանքից:

0214001a842b61d5f5a6515a1b8da072

Հազարամյակներ առաջ մեր նախնիները նկատել են, որ թանկարժեք քարերը հանգստացնում են, օգնում  ազատվելու բազմաթիվ հիվանդություններից: Այն ժամանակ քարերը բուժման պարզագույն միջոցներ էին համարվում, ինչպես արևը, ջուրը: Աստիճանաբար այդ գիտելիքներն այնքան արմատավորվեցին, որ սկսեցին կիրառվել  էներգետիկան բարձրացնելու նպատակով: Բուժման այդ համակարգերից նշանակալի է  Այուրվեդան, որի համաձայն, քարերն ու խոտերը տրված են մարդուն սոսկ այն բանի համար, որ ուղղակիորեն ազդեն նրա էներգետիկ դաշտի վրա: Այուրվեդայում ասվում է նաև, որ քարի բուժիչ հատկությունն արթնացնելու համար հարկավոր է միայն այն կրել կամ էլ գիշերը ջրի մեջ գցել ու առավոտյան այդ ջուրը խմել: ժամանակակից   գիտնականները  հաստատել են մեր նախնիների ենթադրությունները, որ թանկարժեք քարերն օժտված են բուժիչ կամ էլ, ասենք, ասթմայով, քաղցկեղով, շաքարային դիաբետով, թոքախտով, մաշկի զանազան հիվանդությունների դեպքում հիվանդի վիճակը թեթևացնելու հատկությամբ:  Ակնաբույժների հետազոտությունները  վկայում են, որ  աչքի գույնին համապատասխանող քարերն օգնում են բուժելու աչքի հիվանդությունները: Այսպես, օրինակ` կանաչաչյաներին օգնում են` փիրուզը, բաց կանաչ գույնի քարերը, մալաքիտը:  Իսկ շագանակագույն աչքեր ունեցողներին` մուգ սաթը, ոսկեգույն տպազիոնն  ու դեղնանարնջագույն-կարմրի բոլոր երանգների քարերը: Իսկ երկնագույն աչքեր ունեցողները պետք է ընտրեն դեղին ագաթը, կարմիր մարջանը և այլ կարմիր, դեղին ու շագանակագույն քարեր: Կանանց ուրախացնում է այն փաստը, որ թանկարժեք քարերը  վանում են ծերությունը: Դրա համար հնարավորինս հաճախ կարելի է լվացվել քարերով «թրմած» ջրով, օրական 15 րոպե դեմքն ու պարանոցը մերսելով սաթով, լեռնային բյուրեղապակիով, մեղեսիկով:

Ագաթն օգնում է քրոնիկական հազի, ատամնացավի դեպքում, ծովակնը բուժում է ատամների ու կոկորդի  ցավը: Ալեքսանդրիտն ունի երակների հանգուցավոր (վարիկոզ) լայնացումը մեղմեղ ու նաև նյարդային համակարգը հանգստացնող հատկություն: Ալմաստն  օգնում է ամլության ու սկլերոզի, նռնաքարը` կոկորդաբորբի  ու գլխացավերի ժամանակ, ջերմիջեցնող է: Զմրուխտը լավացնում է հիշողությունը, բուժում աչքի հիվանդությունները, էպիլեպսիան, իսկ լազուրիտը` մաշկի հիվանդությունները, ռևմատիզմը: Նեֆրիտը բուժում է երիկամները: Սուտակն ամրացնում է սրտանոթային համակարգը, սաթը խթանում է նյարդային համակարգի աշխատանքը, բարձրացնում  հեմոգլոբինի մակարդակը, նաև պաշտպանում կանանց մրսածությունից ու  միգրենից: Ուստի զարդեր ընտրելիս առաջնորդվեք այս գիտելիքներով ու նաև ձեր ներքին զգացողությամբ, այդպիսով  ավելի մեծ հնարավորություն ունեք ձեռք բերելու մի քար, որը ոչ թե կճնշի ձեր էներգետիկան, այլ հակառակը` ուժ կհաղորդի ձեզ:

Ամենակարդացված

Տնական բատոն 30 րոպեում. սուպերմարկետից այլևս չեմ գնում
Տնային վարժությունների համալիր 40+ կանանց համար
Ինչո՞ւ են թմրում ձեռքերը. 7 վտանգավոր հիվանդություններ, որոնք կարող են թմրում և ծակոցներ առաջացնել
Չի կարելի հենց այնպես վերցնել և դեն նետել ձվի կեղևը․ դրա տակ գանձ է թաքնված
Շատ բարդ տեսողական թեստ, որին անսխալ կարող են պատասխանել միայն իսկական պերֆեկցիոնիստները
10 պատճառ՝ ինչու են Երկվորյակները ամենալավ մարդիկ
Կդառնայի պարզապես ճաշ եփող կին.Անուշիկ Առաքելյանը՝ 22 տարեկանում ամուսնալուծվելու և դստերը միայնակ մեծացնելու մասին
Պատրաստում ենք ձեռքերի ալկոգել տնային պայմաններում. 3 բաղադրատոմս
Սեռի հաշվարկ․ Ինչպես ունենալ աղջիկ կամ տղա երեխա

Վերջին լուրեր

Ֆրանսիայի ոստիկանները ծափահարում են հայ երիտասարդներին
Կարանտինը՝ մեգապոլիսներում
Առաջիկա օրերին հանրապետության տարածքում ջերմաստիճանն աստիճանաբար կբարձրանա ևս 2-3 աստիճանով
Կորոնավիրուսով վարակված հայ աղջիկը մանրամասն նկարագրում է ախտանիշներն ու իր առողջական վիճակը. նրա մոտ վարակի 9-րդ օրն է
«13 օր է, ինչ ես և մեր անձնակազմը մեկուսացել ենք․ ես չեմ տեսնում երեխաներիս, կնոջս. հիմա ինչո՞ւ չեք նստում տանը»․ «Նորք» ինֆեկցիոնի բժշկի կոչը բնակչությանը
Կոչ եմ անում մթերային խանութներին, սուպերմարկետներին մարտի 24֊ից առավոտյան 10։00֊12։00 ժամերն առանձնացնել միայն կենսաթոշակային տարիքի անձանց սպասարկելու համար. Տ․Ավինյան
Այս տարի «պառավի ուլերը» չեն լինելու, պառավը ինքնամեկուսացել է. Գագիկ Սուրենյան
«Կովի մեզից մինչև՝ սխտոր»․ ինչով են աշխարհում փրկվում կորոնավիրուսից
Հանրապետության ողջ տարածքում եղանակը կտաքանա ևս 5-7 աստիճանով