Մկները պանիր են սիրում, իսկ ուղտերը սապատներում ջուր են պահում. ամենատարածված միֆերը կենդանիների մասին

Ամեն տարի գիտնականները բացահայտում են բազմաթիվ նոր կենդանատեսակներ, սակայն անգամ այն կենդանիների մասին, որոնց հետ մարդկությունը հազարմյակներ շարունակ ապրում է կողք կողքի, մենք ամեն ինչ չէ, որ գիտենք:

Կենդանիների մասին մի շարք միֆեր են պտտվում մարդկանց շրջանում, որոնք, սակայն, չեն համապատասխանում իրականությանը:

 

 

 

Կաթն օգտակար է կատուների համար

Իրականում կատվի կերի մեջ կաթ ավելացնելով մենք վնասում ենք մեր սիրելի տնային կենդանիներին, ինչպես և կաթնասունների մեծ մասին: Բանն այն է, որ տարիքի աճի հետ մեկտեղ նրանք դադարում են լակտոզ ընդունել: Մոտավորապես 3-4 ամսականում կատվի օրգանիզմում դադարում է այն ֆերմենտի արտադրությունը, որը լուծում է կաթնաշաքարը, հետևաբար օգտագործված կաթը մարսողական խնդիրներ է առաջացնում:

Մկները պանիր են սիրում

Բնական միջավայրում կրծողներին պանիր չի հանդիպում, և նրանք էվոլյուցիայի են ենթարկվում այնպիսի պայմաններում, որտեղ անգամ պանրի նմանվող սնունդ չեն ընդունում: Իրականում մկները նախընտրում են մեծ քանակությամբ ածխաջրեր պարունակող սնունդ, օրինակ՝ հատիկեղեն և մրգեր: Մի քանի անգամ իրականացված փորձերը ցույց են տվել, որ նրանք կտրականապես հրաժարվում են պանրից:

Խլուրդները կույր են

Գետնի տակ ապրող այս կենդանիներն ունեն աչքեր, չնայած որ դրանք շատ փոքր են և ունեն 1-2 մմ տրամագիծ: Աչքերի օգնությամբ խլուրդները կարողանում են տարբերակել մի քանի գույն, տեսնել շարժվող օբյեկտներն ու արձագանքել լուսավորության փոփոխությանը: Այս ամենն օգնում է նրանց կողմնորոշվել տարածության մեջ, ինչպես նաև նկատել շարժվող որսն ու գիշատիչներին:

Ուղտերը ջուրը սապատների մեջ են պահում

Ուղտերն իրենց սապատների մեջ, բնականաբար, ոչ թե ջուր, այլ ճարպ են պահում: Ճարօի հավաքված պաշարը անապատի այս բնակիչներին թույլ է տալիս առանց սննդի գոյատևել մինչև 14 օր: Արտակարգ պայմաններում ճարպը քայքայվում է՝ ապահովելով օրգանիզմին օգտակար սննդանյութերով, հետևաբար նաև չափերով փոքրանում են սապատները: Առանց ջրի ապրել ուղտերին օգնում են այլ առանձնահատկություններ. այս յուրօրինակ արարածներն ունակ են նվազագույնի հասցնելու խոնավության կորուստը և դիմացկուն են ջրազրկման հանդեպ: Նրանք հանգիստ կերպով տանում են 30-40% հեղուկի կորուստը:

Ջայլամները վախից թաքցնում են գլուխներն ավազի մեջ

Այս միֆն այնքան խորն արմատներ ունի մարդկանց մտածողության մեջ, որ անգամ արտահայտություն գոյություն ունի՝ «ջայլամի քաղաքականություն»: Սակայն իրականում ոչ ոք երբևէ չի տեսել, թե ինչպես է ջայլամը գլուխն ավազի մեջ թաքցնում: Վտանգի պահին թռչունը պարզապես վազում է մինչև 70 կմ/ժ արագությամբ: Դա շատ ավելի արդյունավետ է, քան գլուխն ավազի մեջ թաքցնելը: Խոնարհվելով ջայլամները պարզապես հանգստացնում են ուսերի մկանները և գետնից փոքրիկ քարեր հավաքում, որոնք օգնում են նրանց մարսել սնունդը:

Ամենակարդացված

11 ցնցող առեղծված, որոնք գիտնականները չեն կարողանում բացատրել
20 ոսկե կանոն՝ տղամարդուն խելքահան անելու համար
17 մարդիկ, որոնց պահապան հրեշտակը միշտ արթուն է
20 մթերք, որոնք «անխղճորեն» այրում են ճարպերը. նիհարելու համար սոված մնալու կարիք չկա
Երեք պատճառ, թե ինչու են կանայք դավաճանում, եթե անգամ սիրում են
Մակարոնը պետք չէ խաշել, այդպես սխալ է. ահա մակարոնի պատրաստման ամենահամեղ տարբերակը՝ առանց խաշելու
Մայրս 40-ն անց է, իսկ նա երիտասարդանում է աչքիս առաջ. խոստովանեց, որ ամեն օր խառնում է էժան դոնդող և…
5 բան, որոնք դեն նետելով՝ դեն եք նետում նաև ձեր երջանկությունը
Ոճաբանները կերպարանափոխել են 26 ամյա աղջկան, որը մինչ այդ դեռահաս տղայի տեսք ուներ

Վերջին լուրեր

Բոլոր Առյուծ-կանանց բնորոշ 10 գիծ ♌️
Որոնք են հորոսկոպի 3 ամենադժբախտ նշանները
Երբ հիշողությունս սկսեց վատանալ, խմեցի այս հրաշք հեղուկը. հիմա հիշում եմ նույնիսկ բոլոր հեռախոսահամարները
Ահա, թե ինչու տղամարդիկ չեն շտապում ամուսնանալ կատարյալ արտաքին ունեցող կանանց հետ
Փորձագետները պարզել են, որ տարբեր առիթներով և հաճախ հուզվող մարդիկ իրականում…
12 ճակատագրական սխալ լվացքի ժամանակ. №10-ը իսկապես զարմացրեց
Գիտնականների կարծիքով՝ ձեր անձնական կյանքը կախված է ձեր կազմվածքի ձևից. իսկ ձերը համընկնու՞մ է
Ահա, թե ինչու մուրացկանների երեխաներն անընդհատ քնած են. իսկ ես երբեք այդ մասին չէի մտածել…
Ընտրե՛ք ադամանդի ձևը և իմացե՛ք ձեր անձի գաղտնի կողմերը