10 պատճառ, որոնց համար տղամարդիկ թողնում են կանանց

Իհարկե, կարելի է հարցը պարզեցնել եւ ասել, թե տղամարդիկ իդեալական կին են փնտրում, որը ճաշ պատրաստի նրանց համար, տունը մաքրի, ամբողջությամբ բավարարի անկողնում եւ կատարի բոլոր հնարավոր ցանկությունները ու միաժամանակ չափի մեջ խելացի եւ համեստ լինի:

Բայց այդպես չէ:

Դեպքերի մեծ մասում հարաբերությունների խզման համար կինը նույնքան պատասխանատու է, որքան տղամարդը:

Այսպես, մենք հեռանում ենք, երբ…

1. Կինն անհետաքրքիր է դարձել: Կարեւոր չէ, թե ինչում՝ զրույցներում, թե սեքսում: Տղամարդը միշտ փնտրում է եթե ոչ իդեալական կին, գոնե այնպիսի մեկին, որի հետ եւ զրուցելն է հետաքրքիր եւ հաճելի է անկողնում: Իհարկե, այն տղամարդիկ, որոնք ընդամենը մի անգամվա համար են կին փնտրում, այնքան էլ չեն հետաքրքրվում նրա IQ-ով: Բայց եթե խոսքը երկարատեւ հարաբերությունների մասին է, մենք ուզում ենք մեր կողքին խելացի կանանց տեսնել: Կինը տղամարդուց ավելի խելացի չպիտի լինի, որովհետեւ այդ դեպքում տղամարդն անլիարժեքության բարդույթ կունենա: Բայց տղամարդուն պետք չէ նաեւ հիմար մեկը, որը սերիալներից եւ կանանց համար ամսագրերից բացի, ոչնչով չի հետաքրքրվում: Եզրակացություն. կինը պիտի դերասանուհի լինի, որպեսզի իրենց ցուցադրի այնպիսին, ինչպիսին տղամարդն ուզում է տեսնել նրան: Սեռական կյանքում էլ պետք է չափի մեջ անկաշկանդ լինել: Ավելորդ կաշկանդվածությունը տղամարդուն կստիպի կողմնակի կապեր փնտրել, իսկ ավելորդ ակտիվությունը կստիպի մտածել, թե արդյոք քաղաքի կեսը ծանոթ չէ՞ իր կնոջ անկողնային տաղանդներին:

2. Բնավորությունները չեն համընկնում: Թվում է՝ ամեն առումով դուր եք գալիս տղամարդուն, բայց անընդհատ աննշան բաների պատճառով սկանդալներ են առաջանում: Չեք կարողանում փոխզիջում գտնել, զիջումների չեք գնում: Միակ ելքը բաժանումն է: Տղամարդն իր բնույթով սիրում է առաջնորդ լինել, դրա համար էլ ուզում է, որ կինը զիջի իրեն կոնֆլիկտային իրավիճակներում: Այդ դեպքում արդեն կնոջ որոշելիքն է. եթե ներկայիս զուգընկերը թանկ է նրա համար, ստիպված է զիջել: Ամեն դեպքում եթե դուք իդեալական կազմվածքի եւ նուրբ խելքի տեր չեք, պետք չէ հույս դնել նրա վրա, որ տղամարդը հանուն ձեզ ամեն ինչի պատրաստ կլինի: Նրա համար անհամեմատ ավելի հեշտ կլինի այլընտրանք գտնել, քան ձեզ համար: Մեզ մոտ ժողովրդագրական իրավիճակն այդպիսին է:

3. Կինն անզուսպ է: Հազիվ թե որեւէ տղամարդ ուզենա կարմրել իր կողքին եղող կնոջ պատճառով, եթե հանրային վայրում նա հանկարծ սկսի իրեն ոչ ադեկվատ պահել՝ ստվեր նետելով նաեւ տղամարդու վրա: Եվ իմաստ էլ չկա ապրել նման անկանխատեսելի կնոջ հետ, որը ցանկացած պահի կարող է հիմարություն անել: Եզրակացությունը՝ սովորեք վերահսկել ձեզ:

4. Եթե անցյալում կինը ցոփ կյանքով է ապրել: Կանացի «դոնժուանությունը» տգեղ անվանում ունի եւ հանրության վերաբերմունքը դրան բացասական է: Այդ պատճառով էլ երիտասարդ տարիքում մեկը մյուսի հետեւից զուգընկեր փոխելուց առաջ մտածեք, թե ինչ եք անելու 30-ից հետո, երբ արդեն դժվար է լավ տղամարդ գտնելը, իսկ ձեր բուռն անցյալի մասին, ինչպես ասում են, նույնիսկ քաղաքի շներն են տեղյակ: Տղամարդը ցանկանում է եթե ոչ առաջինը լինել, ապա գոնե ոչ 51-րդը: Եվ հաստատ չի ուզում, որ իր ծանոթներն իր կնոջ հետ որոշակի փորձառություն ապրած լինեն: Եզրահանգում. սեռական հասունացման պահից մտածեք ապագայի մասին: Երիտասարդությունը հավերժական չէ:

5. Կինը տղամարդուն օգտագործում է որպես սրտի թեթեւացման միջոց: Օրերով պատմում է իր խնդիրների, հոգսերի, գործողությունների մասին: Իհարկե պետք է կարծիքներ փոխանակել հուզող հարցերի ու դեպքերի մասին, բայց դարձյալ պիտի ամեն ինչի մեջ չափ լինի: Եթե գիշերվա կեսին զանգում եք տղամարդուն եւ ասում, որ շատ եք սիրում նրան եւ պատրաստ եք նրա համար ամեն ինչ անել, ժամանակի հետ դա սկսում է նյարդայնացնել: Իսկ եթե անընդհատ պատմեք, որ ձեզ համար կոշիկի 15-րդ էժանացած զույգն եք գնել եւ երեք տոկոսանոց զեղչի քարտի եք արժանացել ներդիրներ, շամպուն եւ դիմահարդարման պարագաներ գնելու համար, ապա ուղղակի կզզվեցնեք տղամարդուն եւ ձեր հերթական զանգը նրա մոտ նյարդայնության նոպա առաջ կբերի:

6. Կինն այլեւս իր տեսքին չի հետեւում: Ճիշտ է, արտաքինը մեծ նշանակություն չունի հարաբերությունների համար, այդուհանդերձ, չի կարելի ասել, որ տղամարդը դրան բոլորովին ուշադրություն չի դարձնում: Ու եթե նա ծանոթանում է նրբագեղ շիկահեր կնոջ հետ՝ ձիգ կրծքով ու նեղ իրանով, իսկ երկու տարվա համատեղ կյանքից հետո նա վեր է ածվում ինչ -որ տձեւ արարածի՝ հսկայական հետույքով ու առաձգականությունը կորցրած բարեմասնություններով, ապա տղամարդը զուտ գեղագիտական տեսակետից կորցնում է նրա նկատմամբ հետաքրքրությունը: Այո, կան տղամարդիկ, որոնց դուր են գալիս մի քիչ գիրամարմին կանայք, բայց չէ՞ որ այդ դեպքում նրանք հենց սկզբից էլ նման կանանց են փնտրում, այլ ոչ թե նիհարների հետ ամուսնանում: Եզրակացություն՝ հետեւեք ձեր տեսքին:

7. Ակնհայտ է, որ կինը տղամարդուն որպես դրամապանակ է օգտագործում: Մեզ դուր է գալիս կանանց մասին հոգ տանելը: Մենք ձեզ հաճույքով ռեստորան կտանենք, ծաղիկներ ու թանկ զարդեր կնվիրենք, ձեզ առագաստանավով շրջելու կտանենք կամ էլ ծովափնյա շքեղ հանգստավայր: Դրա դիմաց մենք շատ քիչ բան ենք պահանջում՝ սեր ու սեքս: Հատուկ շեշտենք առաջինը, քանի որ սեքսը կարելի է գնել նաեւ ավելի քիչ գումարով: Եթե կինը մշտապես տղամարդուց փող է կորզում, երեկոյան նրան պարգեւատրելով սեքսով, բայց միաժամանակ տղամարդը չի տեսնում ու չի զգում նրա սերը, ապա վաղ թե ուշ դա նրան կհոգնեցնի, ու դուք կմնաք առանց նոր մուշտակի ու հերթական ապարանջանի: Եզրակացություն՝ մի քիչ չափավորեք ձեր «ախորժակը»: Կամ եթե ուզում եք այսուհետ էլ տղամարդուց գումարներ կորզել, ուրեմն ցույց տվեք, որ սիրում եք նրան: Գոնե ուղղակի մի ասեք, որ ահա այդ բլուզը կամ մատանին եք ուզում: Կարելի է պարզապես ակնարկել, որ այս ձմռանը նորաձեւ է ադամանդյա ապարանջանը եւ բեւեռաղվեսի մորթիով մուշտակը, իսկ դուք չեք ուզում, որ ձեր ամուսնու գործընկերները կարծեն, թե նա հոգ չի տանում իր կնոջ մասին:

8. Կինը չափից ավելի անկեղծորեն է ցույց տալիս, որ ուզում է ամուսնանալ: Ոմանք այնքան հեռու են գնում այդ առումով, որ հանուն ամուսնության պատրաստ են նույնիսկ հղիանալ: Եթե տղամարդն ուզում է ամուսնանալ ձեզ հետ, դուք դա կզգաք: Բայց եթե այս պահին նա պատրաստ չէ դրան, անիմաստ է դեպքերը բռնի արագացնելը, ընդամենը «կվախեցնեք» նրան: Երբեք ինքներդ մի առաջարկեք առանց պահպանակների սեքս, հակառակ դեպքում տղամարդու մեջ անմիջապես կասկած կառաջացնեք: Ու նրա համանման առաջարկն էլ լուրջ մի ընդունեք: Իհարկե օրինավոր տղամարդը կնոջն ու իր երեխային չի լքի: Բայց «վրաերթով ամուսնությունը» հազվադեպ է հաջող լինում:

9. Կինը դավաճանել է: Տղամարդը կարող է շատ բան ներել՝ գործնականում ամեն ինչ, բացի դավաճանությունից: Եթե դա եղել է, պատրաստ եղեք, որ դրա մասին իմանալուն պես ձեր ամուսինը խզելու է հարաբերությունները: Եվ ոչ մի արդարացում ձեզ չի օգնի: Եթե ինչ-որ բան ձեզ դուր չի գալիս, նրան ասեք այդ մասին: Ավելի լավ է բաժանվել փոխադարձ համաձայնությամբ, քան սկանդալով: Եվ իրավաբանական տեսանկյունից էլ անհամեմատ ավելի դժվար կլինի դավաճանելուց հետո ամուսնուց որեւէ բան ստանալը:

10. Կինը սկսել է ամուսնուց ավելի շատ վաստակել: Եթե տղամարդու համար մեծ եկամուտ ունենալը շատ բնական է, ինչի շնորհիվ էլ նա ինքնահաստատվում է կյանքում, որոշ կանանց համար դա փորձություն է: Ամուսնուց շատ վաստակող կինը գայթակղություն է ունենում ամուսնուն հանդիմանելու դրա համար, ասելու, թե նա ինչ վատ տղամարդ է եւ որ առանց իրեն, իրենք չքավորի պես կապրեին:

Նյութը հրապարակման պատրաստեց EnterTrain

Տեղեկացրե՛ք Ձեր մտերիմներին

Ամենակարդացված

5 հայտնի դերասան, ում ճակատագիրը շատ ավելի ողբերգական է, քան ցանկացած ֆիլմի սցենար
Գիտնականներն ապացուցել են՝ բոլոր տղամարդիկ սիրահարվում են միայն այն կնոջը, ով ունի բնավորության ԱՅՍ գիծը
Ինչպիսի տեսք ունեն երկրների միջև 15 ամենաօրիգինալ սահմանները
Եթե սիրահարվեք կենդանակերպի այս նշանին, ապա դժվար թե կարողանաք նրան երբևէ մոռանալ
Ընդամենը 2 բաղադրիչ և դուք կկարողանաք ընդմիշտ հրաժեշտ տալ դիաբետին. այլևս ոչ մի դեղ և ինսուլին
Իմացեք, թե ով եք եղել նախորդ կյանքում՝ ըստ ծննդյան տարեթվի
Սարսափելի փաստեր աշխարհի ամենավտանգավոր աղանդների մասին
Այս սխալներն անում է վարորդների 95%-ը. իմացեք՝ ինչպես խուսափել դրանցից
Էսկիմոսների բնակարանները. ինչպե՞ս է դրանց ներսում մշտապես տաք լինում, եթե դուռը երբեք չի փակվում

Վերջին լուրեր

300 մլն. դրամ Միքայել և Կարեն Վարդանյանների կողմից` հայոց հաղթական բանակին
Հունաստանը հնարավոր է կասեցնի Ադրբեջանի հետ «Համագործկացության մասին հուշագրի» վավերացումը
Թուրք դերասանուհին պաշտպանել է Քարդաշյանին. նրան սպառնացել են Թուրքիայից վտարել Հայաստան
Ոչ մի ուժ ի զորու չէ հաղթել հայ մարտիկին. Դավիթ Սաֆարյան
Քլոե Քարդաշյանը կոչ է արել մասնակցել Արցախի համար դրամահավաքին
Ամերիկահայությունը չի քնում, տղամարդիկ՝ առանց տարիքային սահմանափակման, տոմս են վերցնում, վերադառնում հայրենիք
«Մի բառ՝ hիմար». Սերժ Թանկյանը Էրդողանի մասին գրառում է կատարել
«Ձեռքներդ հեռու մեր հայրենիքից». Էրիկ
«Աղոթում եմ Հայաստանի համար». Քանյե Ուեսթը թվիթերում գրառում է կատարել