Ադրբեջանի հատուկջոկատայինների կորուստներն էլ արդեն լավ նկատելի են դառնում

Ադրբեջանի հատուկջոկատայինների կորուստներն էլ արդեն լավ նկատելի են դառնում։ Օրինակ՝ դրանց թվում կար նաև փոխգնդապետ, ոում մասին ասում են՝ «բրիգադի» հրամանատար էր:

Ադրբեջանի հատուկ նշանակության ուժերի մասին գրելն, իհարկե, շատ ավելի ընդգրկուն ու գիտական աշխատանք է պահանջում, բայց, թերևս, հիմա մի քանի բան հակիրճ գրենք:

Հայաստանում թեմայով հետաքրքրվողների մոտ կա ամրացած կարծիք, որ խոսքն, ըստ էության, մեկ բրիգադի մասին է՝ 052 համարի զորամասի, որը ժողովրդական լեզվով «Յաշմա» է կոչվում:

052 զորամաս անուշուշտ կա, դրա հրամանատարն է այս օրերին գեներալ-լեյտենանտ դարձած Հիքմեթ Միրզաևը: Բայց, ամենայն հավանականությամբ, 052-ը վերաբերում է ոչ թե կոնկրետ բրիգադի, այլ՝ ընդհանուր հատուկ նշանակության ուժերի հրամանատարությանը, որի տակ մտնում են առնվազն 3 պայմանական ասած բրիգադներ:

Առաջինը՝ հենց «Յաշմա» կոչվող բրիգադն է։ Իր անունն այն ստացել է Սումգաիթից հյուսիս գտնվող Յաշմա գյուղի անունից, որ մոտ է գտնվում բրիգադի մշտական տեղակայման վայրը։

Երկրորդը «Շուբանին» է, կրկին տեղանվան անունով։ Գտնվում է Բաքվից արևմուտք: Այստեղ կա նաև համեմատաբար վերջերս հիմնովին վերակառուցված ու կահավորված մեծ զորավարժարան՝ հենց հատուկջոկատայինների համար:

Երրորդ հնարավոր բրիգադը տեղակայված է Սալյանում:

Բոլոր երեքն էլ զորամաս/ավաններ են իրենց ենթակառուցվածքներով, սպայական շենքերով՝ մեծ հաշվով կտրված քաղաքացիական աշխարհից:

Ադրբեջանցիներն ունեն նաև լեռնային պատրաստության մշտական տեղակայման ուսումնական կենտրոն Գորանբոյում՝ Մռավի լեռներում աշխատելու համար:

Նշվածներից բացի կա նաև առանձին ռազմածովային ուժերի (ՌԾՈՒ) հատուկ նշանակության զորամաս: Սա էլ Բաքվից արևելք է՝ Կասպից ծովի ափին: Այս զորամասն էլ համեմատաբար վերջերս հիմնավին նորացվել է: Սրանք ևս ներգրավված են մարտական գործողություններին, քանի որ բացի զուտ այսպես ասած «նավային» խմբերից ունեն ցամաքային գործողությունների համար խմբեր: Հադրութի ոճրագործներից մեկը հենց այս ստորաբաժանմանը հատուկ ռազմազգեստով էր:

Հատուկ ընդգծենք, որ ՌԾՈՒ հատուկ նշանակության ջոկատայինների մասնակցությունն, իհարկե, չի նշանակում, թե Ադրբեջանում ուրիշ հատուկջոկատային չէր մնացել, սրանց են բերել։ Այս զինծառայողներից առնվազն մեկը մասնակցել էր նաև Ապրիլյան պատերազմին:

Այս դեպքում նաև պետք է հաշվի առնենք, որ ստորաբաժանումների միջև կա ռոտացիա, ու նույն զինծառայողը պատրաստություն ու ծառայություն անցնում է տարբեր տեղերում:

Առանձին հատուկնշանակության, հետախուզական-դիվերսիոն ստորաբաժանումներ ունեն նաև կորպուսները:
Վերը նշված ամեն ինչը վերաբերում էր բանակին:

Բանակից բացի հատուկ նշանակության ստորաբաժանումներ ունեն գրեթե մնացած բոլոր ուժայինները, բայց սրանցից կառանձնացնենք երկուսը:

Ներքին զորքեր – Ադրբեջանում ներքին զորքերը ցրված են երկրով մեկ՝ տարբեր գնդերում: Ամեն գունդ ունի իր հատուկ նշանակության ջոկատը: Սրանք, պատկերավոր ասած՝ գազանանոց են․ յուրաքանչյուր ջոկատ ինչ-որ կենդանու կամ թռչունի անունով է: Այս ջոկատները ներքին հակաահաբեկչական գործողությունների համար են նախատեսված, բայց պատերազմում կորուստներ ևս ունեն:

Պետական սահմանապահ ծառայություն – իրենց հատուկջոկատայինները կոչվում են արագ արձագանքման ուժեր: Ցրված են երկրով, բայց ունեն նաև կենտրոնական խոշոր զորամաս՝ Եվլախ քաղաքում: Սրանց դեռևս 2016-ի ապրիլին ներգրավել էին մեր դեմ գործողություններին, չնայած հայտնի չի մարտի մեջ մտել էին թե ոչ: Այս պատերազմում կորուստներ ունեն նաև ՊՍԾ հատուկջոկատայինները:

Սակայն, կրկնենք, որ այս դեպքում էլ պետք է հաշվի առնենք նաև զինծառաողների հնարավոր ռոտացիան․ սրանք էլ կարող են հետո բանակի հատուկջոկատային դառնալ, կամ հակառակը:

Այս ամենը վերաբերվում է միայն, այսպես ասած «մայրցամաքային Ադրբեջանին»։ Նախիջևանում հատուկ նշանակության ուժերի սեփական գազանանոցն ունեն։

Razm.Info

Ամենակարդացված

«Հադրութում 15 հոգով շրջափակեցին մեզ և սկսեցին կրակել». ինչ է պատմում վիրավոր զինծառայողը
«Գոնե սա չասեիր, Վանո… Քաղաքական հոտառությունն էս ա, 20 տարի առաջ գրես էսօրվա մասին»
Ձայնը կտրված հայտնի տղան՝ սիրելիի հետ է (ֆոտո)
Ադրբեջանական զորքը դուրս եկավ Շուշիից (տեսանյութ)
Սոնա Շահգելդյանի ու Մհեր Արմենիայի «կռիվը» ֆեյսբուքում. Մանրամասներ
Ավիացիոն մահափորձ 9 դրվագով
«Ո՞վ կմտածեր, որ 26 տարի անց այսքան նսեմացած, ծնկած ու տրորված կլինեինք». Արմեն Ամիրյանի գրառումն Արթուր Գրիգորյանի մասին
«Երեխայի անունը փոխեցին Յանա` մեր դստեր պատվին. հետագայում ուզում եմ երեխայի կնքահայրը լինել». Սարգիս Գրիգորյանը` 20-ից ավելի արցախցի իր տանը հյուրընկալելու մասին
Վիրավոր զինվորների ծանր օրերն անցյալում են, բայց ընկերների կորստի հետ չեն համակերպվում (տեսանյութ)

Վերջին լուրեր

Ռուսները երկար ժամանակով են մտել մեր տարածք, համենայնդեպս այդպիսի հույսեր ունեն
Հայաստանի ինքնիշխանությունը երբևէ այսքան վտանգված չի եղել. ճգնաժամը խորանում է
Կոմիտասի պողոտայում կկառուցվի վերնանցում, այգի, ամֆիթատրոն, շատրվան- ջրավազաններ. Սուրեն Պապիկյան
Բժիշկը պատմել է, թե ինչպես կընթանա կորոնավիրուսը պատվաստվածների մոտ
Բոլորս ծայրաստիճան զայրացած ու նեղացած ենք. Հարութ Սասունյան
«Հայտնեցին, որ զոհվել է… սիրով ու հավատով գրված թուղթս հասցրել էր տեղ հասնել. չճանաչած` հարազատ եմ կորցրել». Իննա Խոջամիրյան
Իշխանությունը պետք է վերջապես արթնանա նոկդաունից և շատ արագ վարույթներ հարուցի միջազգային դատարանում
Հզոր ապտակ Բաքվին ու Անկարային․ Հայաստանը պետք է պատրաստ լինի Ֆրանսիայից հետո ճանաչել Արցախի անկախությունը
Պատերազմող երկիրը ներդրումների ներհոսք ակնկալելու որևէ հիմք չունի