Հայազգի «օրենքով գող» Ռուդոլֆ Օհանովի Մոսկվայում հայտնվելը պառակտել էր գողական աշխարհը

Ռուդիկ Օհանովը Բաքվի հայերի ընտանիքում ավագ որդին էր:

Բոլոր երեք հետնորդները հետևողականորեն մտել էին գողական ընտանիք՝ ստեղծելով ավելի վաղ չտեսած նախադեպ:

Դա կարող է միայն մի բանի մասին խոսել՝ կոմունիստական գաղափարախոսության համատարած պարտադրման տարիներին գողական այլընտրանքը ծայրամասային հանրապետությունների բնակչության մի մասի շրջանում ուներ հատուկ ժողովրդականություն:

 

Հարկ է հիշել, որ Օհանովների ընտանեկան կլանը չէր ավարտվում միայն եղբայրներով: Նրա անդամներից էր նաև զարմուհու ամուսինը՝ Ժենյա Տաշքենդսկին (Աբրամով) և հարազատ քրոջ ամուսինը՝ Կատյա Ռաֆիկ Ինգլաբովսկին (Ավակով):

Բոլոր Օհանովները վաղուց հողի տակ են: Առաջինը թաղեցին Սաշիկ Բաքինսկուն՝ Ռուդիկի կրտսեր եղբորը: 1974թ. նրան սպանել էր ծնունդով Արևմտյան Ուկրաինայից մեկը՝ Խերսոնի՝ բանտարկյալների համար թոքախտային հիվանդանոցում: Սաշիկը իր համերկրացուն էր պաշտպանել և դանակի հարված ստացել սրտին: Մինչ այդ երեք տարի առաջ ավագ եղբոր շնորհիվ սկսել էր գող անվանվել և կատարելով ստանձնած պարտավորությունները՝ փորձում էր կանխել զոնայում բեսպրեդելը:

Սաշիկ Բաքինսկու գրանիտե հուշարձանը կանգնեցված է ոչ թե Բաքվում, այլ պատմական հայրենիքում՝ Երևանի Թոխմախ գերեզմանոցում:

Ժենյա Տաշքենդսկին և Կատյա Ռաֆիկ Ինգլաբովսկին հանգչում են Կիսլովոդսկի գերեզմանոցում: Նրանք կյանքից հեռացան համարյա միաժամանակ՝ 1996թ.: Հետո եկավ իր՝ Ռուդիկ Բաքինսկու հերթը, նա թաղված է Մոսկվայում Արմյանսկոյե գերեզմանոցում: Նրա գերեզմանից տասնյակ մետր այն կողմ թաղված է միջնեկ եղբայրը՝ Վաչիկոս Շեստիպալին՝ Օհանովների ամբողջ ընտանիքից ամենաքիչ նկատելին: 2002թ. նրա մահվան պատճառ էր դարձել թմրադեղերի գերդոզավորումը:

«Օրենքով գողերի» աշխարհն իր էությամբ աշխարհաքաղաքացիական է և չգիտի ազգային ու կրոնական անհանդուրժողականություն: Այդուհանդերձ, Սումգայիթում հայկական ջարդերը և դրան հետևած իրավիճակի սրումը ստիպեցին դարերով Բաքվում բնակված հայերին հապճեպ հեռանալ: Ռուդիկ Բաքինսկին էլ կանգնեց դժվարին ընտրության առաջ. ունենալով մեծ հեղինակություն ոչ միայն քրեական աշխարհում, նա ծանրութեթև անելով Ադրբեջանում բնակվելու բոլոր պլյուսներն ու մինուսները սթափ գնահատեց իրավիճակը և հեռացավ Ադրբեջանից:

 

Նենգ 90-ականներին նա իր թևի տակ առավ Մոսկվայում բնակվող հայ ձեռնարկատերերին և ապահովեց նրանց պաշտպանությունը կազմակերպված հանցավոր խմբերի և ոչ ոքի իշխանությունը չճանաչող բազմաթիվ անարխիստ-բերսպրեդելականների ոտնձգություններից:

«Օրինականների» կենտրոնացումը մայրաքաղաքում դարձավ չափից ավելին: «Օրենքով գողերի» մի մասը համախմբվել էին Ռուդիկի շուրջ, մյուսները՝ ավելի փորձառու Դեդ Հասանի շուրջ: Ռուսաստանյան քրեական աշխարհի երկու առաջնորդների շահերը անխուսափելիորեն պետք է հատվեին:

Կռվախնձոր դարձավ Հյուսիսային Կովկասը, որտեղ նրանք երկուսն էլ շատ կողմնակիցներ ունեին: Անդրկուլիսային պատերազմը արագորեն վերածվեց զինված բացահայտ վեճ ու կռվի դրության, որի ընթացքում երկուստեք զոհվեց ոչ մեկ տասնյակ զինվոր: Ճակատամարտի ասպարեզ դարձավ Ռուսաստանի ամբողջ տարածքը:

Ռուդիկ Բաքինսկու և Դեդ Հասանի միջև պատերազմը, որը պառակտել էր գողական աշխարհը, ոչ մի ընդհանուր բան չունի ԳՈՒԼԱԳ-ում բանտարկյալների միջև դաժան պայքարի հետ, չնայած նրան, որ դրան փորձում էին բացառապես գաղափարական երանգավորում և բարքերի մաքրության համար պայքարի մղում հաղորդել:

Իրենք՝ Ռուդիկն ու Հասանը, խոշոր հանցավոր սինդիկատների ղեկավարներ էին, որոնք ավելի շատ նման էին իտալական մաֆիային, քան օրենքով գողերի նախկին հանրության, որտեղ բոլորը հավասար էին և պարտավոր էին կատարել գրված կանոնադրության պահանջները, որոնք իրենց ասկետիզմով, խստությամբ և ինքնազոհողությամբ նման էին ճգնավորների օրենքներին:

Կոնֆլիկտի ընթացքում և դրանից հետո գողերի շրջանում իշխող բարքերը քիչ բանով էին տարբերվում սովորական բանդիտների բարքերից: Իզուր չէ, որ նախկին կանոնների մեջ նորամուծությունները ստացել էին «մաֆիոզ» և «մուսորսկի» անվանումները: Մի անգամ Ռուդիկ Բաքինսկու ծննդյան օրը հրավիրված երգչուհի Լյուբով Ուսպենսկայան նույնիսկ հանդգնել է նրան անվանել պախան և ոչ թե գող, նա չի առարկել դրա դեմ:

Աղբյուր` Փաստինֆո

Ամենակարդացված

Չգործածվող հայերեն բառեր ու ծիծաղելի թարգմանություններ
Ավելի արդյունավետ միջոց նույնիսկ դեղատանը չես գտնի. ոջիլների և անիծների դեմ գերհզոր միջոց
Մինուս 9 կգ՝ 1 ամսում. Ինչպես բարելավել նյութափոխանակությունը և նիհարել չիայի սերմերի օգնությամբ
Եթե Ձեր լեզուն այսպիսի տեսք ունի, ապա շտապ դիմեք բժշկի
10 հոգեկան հիվանդություններ, որոնք քողարկվում են բնավորության սովորական գծերի տակ
Քաղցկեղի 10 նախանշան, որոնք հարկավոր չէ անտեսել
7 տրամաբանական հարցեր, որոնց պատասխանները միայն երեխաներն են գտնում
Ինչպես դեմքի ձևին համապատասխան ճիշտ սանրվածք ընտրել
Ասպիրինով դեմքի դիմակների 7 բաղադրատոմս

Վերջին լուրեր

Սուպեր Սաքո. ամերիկյան շոուշուկայի ռեփեր հայը չի զիջում մրցունակությամբ. տեսահոլովակի պրեմիերա
10 տարածված սխալ, որ անում ենք լոգանք ընդունելիս
Արագ և համեղ բազուկով աղցան․ պատրաստվում է 20 րոպեում
Հարավային Ամերիկայում նոր կենդանատեսակ է հայտնաբերվել
Չինաստանում հայտնաբերվել են հին հայելիներ՝ հանգուցյալներին հանդերձյալ աշխարհ ուղեկցելու համար
Մազերի երկարությունը բացահայտում է կնոջ բնավորության գաղտնիքները․ ինչ սանրվածք եք կրում դուք
Մոռացեք հազի մասին. մանրացրեք բանանը և ավելացրեք այս 2 բաղադրիչը…
«Ինչո՞ւ պետք է մնամ Հայաստանում և հանդուրժեմ ինձ հալածող հայերի պահվածքը». Մագան՝ Տիկ-տոկի թրենդի համար մազերը ներկելու ու փիրսինգ անելու, վատ մեկնաբանությունների և երկիրը լքելու ցանկության մասին
Մենք գալիս ենք Հայաստան. «Լադանիվա» խումբն առաջին անգամ հանդես կգա Երևանում